蘭州拉麵店 (已結業)

睇「荃灣友」嘅fb page知道佢7月9日關門大吉，先發現佢同荃灣另一名店山西刀削麵原來係同一個老細。位於力生樓下，未搬入荃灣前已經聽過朋友推薦，但路過好多次都無入過去食。page內有人話呢間好食過其他兩間分店，所以趁最後三天幫襯一下。店內只有四張圓枱，好雲吞麵鋪的格局，感覺同沙咀道那間裝修後的刀削麵鋪好大分別，呢度感覺親切溫馨好多。上海雲吞拉麵+豆漿，$48，上次去刀削麵嗰邊都係食上海雲吞刀削麵，隻碗一樣，但湯底就不一樣，呢個似大地魚湯底，嗰邊就係豉油湯底，我比較鍾意呢個，比較有鮮味。見住姐姐喺店內親手包緊雲吞，呢度嘅雲吞皮薄，同刀削麵嗰邊厚皮又完全唔一樣，同樣都係鍾意呢度多啲。拉麵有韌性不黏口，同樣出色。光榮結業，期間有不少熟客街坊到場作最後支持，廚師們會到另外兩間鋪繼續工作，不致失業，所以沒有什麼離愁別緒，反而談笑風生。他們談到「荃灣友」page內網友給它們的稱讚，更感自豪，而我在旁就會心微笑。他們如數家珍地說著對每個熟客的印象，我想轉了新鋪應該再找不到了。

同朋友或者家人成日泥呢度食，一係荃灣諗唔到有咩食會去呢間。個湯底雖然少少油但好好味，餸都唔錯。頭個幾次都係叫刀削麵，因為中意夠煙韌；但後來有朋友叫拉麵，就跟住一齊叫，試過之後又係另一番風味，依家每次去食都會糾結食刀削麵定拉麵好建議大家去食不妨都試下拉麵，好正架！啱啱試左外賣返屋企食，味道同堂食一樣，啲麵完全冇變林，仲好好食！我最中意食肥牛同魚蛋刀削麵／拉麵，每次都叫呢兩個，仲有好好飲既豆漿推薦大家去食

放工同友人食飯，諗左一輪不如食呢個蘭州拉麵啦！今次只係第二次黎，對上一次都耐唔到唔知幾時。去得呢d 舖頭仔就唔預佢坐得舒適，所以只要光猛算係闊落都已經好ok，收曬貨。友人就叫左麻辣肚絲手拉麵，我就叫左麻辣豬扒手拉麵。食物好快就到，一望到都流口水。蒜頭加辣椒真係好野味！不過d 辣椒真係幾辣，所以我都撇走曬又浸落碗麵個湯圥再食。d 辣椒好似潮洲粉麵舖個d 辣椒油既辣椒渣咁。至於個手拉麵我有少少失望，又粗又幼長短不一。睇皆大歡喜入面洞蜜園d 拉麵都唔會咁啦！到底呢個係蘭州拉麵既特色定係如何呢？不過我個人而言就真係麻麻地喜歡，食到d 粗既好似食麵粉咁。其他人都係叫刀削麵，我諗下次我都係叫返刀削麵穩陣d

其實之前已經幫襯過，係食拉麵，啲拉麵係師傅即場拉出嚟嘅，比一般平時食開嘅拉麵粗一啲，不過都好好食，今次就試刀削麵，因為其實我鍾意食刀削麵多啲。價錢唔算好貴， 40幾蚊就有一碗麵，我就叫咗麻辣熏蹄刀削麵，因為我怕辣所以將啲麻辣分開上，而佢個餸上邊仲有好多生蒜頭，我自己就好鍾意啦，不過唔鍾意食蒜頭嘅朋友就要小心啲啦。刀削麵亦都好好味，啲麵好有咬口，之前都試過喺荃灣食另外兩間刀削麵，我覺得呢間最好食。埋單都係＄40，又好味又夠飽因為佢都好大碗，好抵食😊😊

是日3人同行, 由內地回到荃灣, 當晚21點多到達又有點餓, 於是就想起久違的蘭州拉麵就直奔到目的地. 點了以下: 榨菜肉絲拉麵: 來了雪菜肉絲拉麵, 算, 雪菜肉絲 拉麵粗幼不均微彈牙, 和很差的湯底, 感覺就只有醬油加水; 五香牛肉拉麵: 同伴表示不會再次光顧;豬手刀削麵: 普通花雕醉雞: 酒味過重, 雞肉不夠滑但是夠入味;  普通細小店鋪, 普通環境衛生, 稍差的服務員態度, 沒有驚喜, 不算低食, 只是一間很普通的小食店. 

老友記帶路搵食，佢話帶我食刀削面，黎到鋪頭時坐滿人，細細間所以都要係出面排隊等位，等到大概15~25分鐘，餓死我喇 後來店員先幫我地落單，所以我地一有位坐低後野食都好快送上黎。豬手雲吞刀削面我食既豬手雲吞刀削面，雖然我今次冇叫辣，但佢依款清湯都好濃好甜，面條煙韌有咬面，好食佢既豬手爽口彈牙，但都炆到好入味，雲吞係屬於比較厚皮的，但入面既餡料都好多好香口，我食到好滿足麻辣豬腸豬頸肉刀削面老友記既麻辣豬腸豬頸肉刀削面，老友記唔係好食得辣但又覺得依間店既麻辣好香，所以食到流鼻水都揀食麻辣，豬腸清得乾淨冇怪味，有少少肥膏食落好香口，豬頸肉相對下唔好食，好乾身同調味好單調，最正係佢麻辣係分開上，有好多好多生蒜，我偷左老友記啲汁黎撈面食好正

今日一早去試五香牛肉刀削麵。牛肉有些透明的肥肉，味道一般。第一次食刀削麵，不太合自己口味。材料只有麵, 牛肉, 小糧蔥(蔥近5年升了4倍)，麵的份量一般，大隻男人可能不夠食，$35 +$5有豆漿。我是今日第一個客, 之後來了8個客, 都是大陸人(應該都有香港身份証)。香港這個地方越來越陌生。香港97後高租金高樓價政策好快可以令中國和香港拉平。即是中國香港。

因為上次食個個豬手撈麵好好食嘅關係，今日出開荃灣都心思思想再食多次d間嘢。咁上次食左撈麵，今次轉下其他款啦，叫左個豬手湯拉麵食XDD (冇錯，又係豬手)可能期待太高啦，今次d個湯拉麵感覺差左一截，拉麵唔太彈牙，湯味道雖然ok，但太水，冇豬手個種膠質感覺。另外加多個麻辣雞，雞肉好滑，但可惜骨位生左小小，仲見紅。

成日去荃灣搵男朋友食lunch，荃灣咁多野食真係揀到選擇困難症出現，行去路得圍附近天橋底既呢間蘭州拉麵店睇落幾正咁，所以去過第一次後，每次揀唔到食邊間就會去食有時要等位雖然唔會等得太耐一坐底即睇menu因為太多餸揀要諗諗先，經過5分鐘既考慮後，一叫完都係過左5分鐘左右就有得食叫埋杯豆腐飲岩哂一拎碗麵黎已經香噴噴急不及待，飲淡佢既制製湯底，濃郁好味到真係飲完一啖又一啖，再食條刀削麵煙煙靭韌，牛肚同雞腎又香又入味又林，麻辣雞絲又好有四川風味咁，真係食到流哂鼻水，五香牛肉炆到軟林林，每舊都有啲牛根咁，佢啲配料都是冇伏的，大家可以放膽嘗試鍾意食麵既我，又多一個選擇了

放工後，累到隻狗咁! 又未食飯，只想簡簡單單食d 好食既野。一落車，就想起這間小店，沒有花巧的宣傳，十年都一樣的菜單，連伙記也是熟識的臉孔。坐底後，我都係叫返食十次都唔厭的水餃刀削麵。不過，醉翁之意不在餸，其實係想襯返佢個麻辣蒜。這裡的麻辣好得意，通常是分開上，濃濃的醬配以生蒜，喜歡食蒜既人真唔可以錯過。不過，我試過有次食完後返工，那股生蒜味，大到俾老細叫我刷牙。另外，不得不題係d 麵，師傅雖後生，不過全日手冇停地削麵，拉麵；勤勤力力地做、做、做，做出軟硬適中，吸滿湯既麵。簡簡單單又正的一餐，為忙碌的一日劃上句號。

星期六去完玩具展之後過番荃灣搵野食，一落個天橋個迴旋位就見到呢間蘭州拉麵，見到唔係太多人等緊位，就揀佢啦。叫左個熱撈豬大腸拉麵飲凍豆漿(+$6)同麻辣豬扒，因為熱撈豬大腸拉麵唔係套餐，所以飲品要另叫。等左陣個拉麵就黎左啦，一黎到個時D豬大腸同拉麵係分開排得好好嘅，但因為我心急想食，一黎就撈均左先記得影-0-"碗拉麵唔係太熱，啱啱好入到口，另外拉麵粗幼不一，我估應該係人手拉，口感好煙韌。個醬汁唔辣，撈埋一齊食幾好味。豬大腸好淋好入味，冇膻味同怪味，係肥左小小，不過叫得豬大腸食嘅人都唔會介意架啦。凍豆漿唔會太甜，幾好，仲飲到好香嘅大豆味。麻辣豬扒炸得好淋，唔乾，加埋D生蒜同麻辣醬一齊食好嘢味，辣得好過癮，話咁快就清左碟。下次經過荃灣可以再黎食=]

重點：不要期望。非常普通，拉得條粗條幼不平均，咬口無乜彈性，還有，第一次去食，千萬不要加底，不然後悔。D湯又只是醬油味，偏咸，無層次，無特別無回憶可言。豬手還是有豬毛，內只有2 條小菜，勝在有杯豆漿。

一心到荃灣想行山點知不停落大雨無停過，惟有搵啲好東西食下安慰一下自己咁就去左搵朋友介紹嘅一間刀削麵店啦好在佢係正商場地下，唔洗淋雨就去到坐低叫左一碗豬頸肉刀削麵，一碗手撕雞刀削麵每款都係餸同麵分開嘅，啱哂想試下辣但又怕成個麵都辣到食唔到嘅友人豬頸肉係炸過好香口，再加埋面嘅蒜同辣係好食嘅手撕雞好一般…完全無味…個刀削麵見到師傅係廚房到成舊粉團放係膀頭到削削削，即叫即整，絕對唔係機整嘅(衛生就見人見智啦)好好食，粗幼不一，好彈牙，食完好滿足 友人去完國内工作食過刀削麵話好想係香港都食到，係呢度佢話搵到相似嘅味道喎

本人係非常喜歡食麵，無論係日本拉麵，中國麵等都非常喜歡，咁今日就經開荃灣，就當然要再次試下好耐之前食過嘅蘭州拉麵啦！同以前一樣，去到都係座無虛席，再加上而家已經唔俾ｄ枱擺街，裡面坐得重辛苦，好彩我一個人就比較容易搵位！咁我自己就點左個五香牛肉麵，跟餐飲豆漿，另外再加左個口水雞！首先就係豆漿，豆漿好淡，無味！！！跟住見到師父即場拉麵，好有型！口水雞到啦，坦白講唔夠辣，以前辣好多，而且ｄ雞完全無雞味，都比較差！我最期待拉麵到啦，湯底好清，牛肉都好淋，而且拉麵keep到以前水準，麵質非常彈牙，有口感，雖然其它野都較差，但起碼我最期待嘅拉麵都keep到，希望其他野會有改善啦！

這一家刀削麵，比起沙咀道那山西份量多得多了，每次都沙咀道那山西都不太吃得飽，裝修之後就更甚。雖然力生商場現在變得非常之奇怪，但是地舖這家店子都沒有改變過。點了個豬腸雞翼拉麵，拉麵份量非常之多，粗幼不太平均😬，呈現出人手即拉的特別🤓，豬大腸雖然不算非常乾淨，中間還黏着肥膏😆，但將它除去之後我味道還不錯。花雕醉雞，雖然酒比較少，但是花雕酒的酒香芳香撲鼻，花雕酒的味道完全滲入雞肉之中，小小一碟還有雞髀，肉質不錯。這一間店子唯一的缺點就是座位不多，都是大桌，然後食客都是搭枱，可能一張大枱坐十個人，兩個兩個，坐了五個不同的組合。