Vision 8

最近去咗荃灣嘅Vision 8西餐廳，閒日晚上也差不多滿座，好彩我有訂定位。首先係兩隻生蠔，Krystalezen（水晶）同Lambert（林寳）。Krystalezen生蠔幾鮮甜，帶有少少海水味。Lambert生蠔就濃味啲，仲有啲甜味。做緊買三送一，即大約$35 一隻，幾抵食。之後試咗忌廉蘑菇餐湯，湯底好濃郁，但唔會太膩，挺暖胃。主菜方面，我揀咗香煎帶子配牛肝菌意大利麵。帶子煎得啱啱好，外脆內嫩。牛肝菌意大利麵充滿咗菌香，麵條彈牙，配埋帶子一齊食，味道幾好。最後係蘋果木燒西班牙黑毛豬鞍扒（黑椒汁）。豬鞍扒經過蘋果木燒烤，有獨特嘅煙燻香味。