Ann Mamma Thai kitchen by 張秀玲

營業中

休息中

小食併盤（$99），蝦餅×2（大件，可以一開二當4件食，味道正常）、春卷×2（係素菜春卷，本人都係鐘意有肉嘅多啲）、雞棗×2（同樣味道正常，以併盤計得2粒算少，較難share）。大蝦柚子沙律（$108），柚子清甜多汁唔澀，撈埋沙律汁酸酸甜甜微微辣好開胃，大蝦夠大隻亦彈牙。泰式無骨鹵水豬手（$118），比想像中大份，以為好多菜墊底（的確都好多菜），但豬手都好多，啖啖肉，夠哂飽。鹵水夠入味，而且又夠淋，但淋得嚟又有𡁻頭，唔錯。大蝦炒金邊粉（$118），夠乾身唔會濕淋淋，我最鐘意呢種口感嘅炒金邊粉，Good。PS：啲餸超快就上枱，夠哂有效率。