龍鳳食堂

營業中

休息中

屋企附近原來一直有一間工廠區嘅茶餐廳，啲嘢食價錢好親民，同埋都好多人食，次次中午叫親嘢食落去拎，都見到有好多外賣，我之前都已經早餐叫過好幾次外賣，對比起附近幾間茶餐廳真係平靚正。佢哋個餐牌真係太多選擇，有選擇困難症嘅人真係應該幾難揀到食咩，我今次試吓XO醬豬頸肉炒烏冬，XO醬味好濃郁，豬頸肉好淋，啲公仔麵好彈牙，整個份量都好多。杯凍紅豆奶茶唔太甜，紅豆杯粒粒勁多，飲完唔會好口渴。另外叫左個中式芝士燴雞扒飯都算係比較特別嘅餐牌佢知士餐牌入邊有好多唔同嘅款式，有魚雞豬仲有蝦，啱晒唔同口味既人。呢個雞扒份量都一樣大份，可能始終都係俾工廠既人士食，真係要食飽啲🤣同埋好多人會嚟食下午茶。最後埋單都係$119 ，真係抵食夾大件。