老掌櫃東北菜館 (海之戀商場)

營業中

休息中

琴晚去咗一間荃灣海之戀嘅東北菜館，叫做老掌櫃，每次黎都唔會失望！每次嚟到呢度，我一定會叫佢哋嘅招牌菜，片皮鴨。今晚只有兩個人，所以我地叫咗半隻鴨，但份量真係好足夠！片皮鴨嘅皮燒得好香脆，餑餑皮上枱時熱辣辣，口感都好彈牙。每一口都帶出咗鴨肉嘅鮮甜味道，真係令人回味無窮。除咗片皮鴨，我地都叫咗一個糖醋魚塊。份量好多，而且汁調得好好，唔會太重口味。魚塊炸得香脆，淋上糖醋汁，酸甜味道好平衡，每一啖都好開胃。最後，我地叫咗一個蒜蓉炒油麥菜。呢個菜真係好有鑊氣，菜葉保持住咗鮮脆嘅質感，蒜蓉香氣四溢。炒得啱啱好，保留咗菜嘅原汁原味。