大兄冰室 (已結業)

放假同朋友嚟到荃灣搵野食，經過荃豐中心就見到呢間 大兄冰室，睇到餐牌都幾吸引，於是就入去試試佢！黑椒牛扒+皇牌香滑炒蛋蕃茄濃湯粉套餐:黑椒牛扒唔會煎到*窿*晒，個size都唔細，最緊要係食落唔會韌，唔會難咬，唔會好幹身，仲要幾juicy.至於蕃茄濃湯粉，蕃茄湯底好濃，好香，入口酸酸地，好開胃，加上蕃茄配蛋本身都係絕配，個螺絲粉亦整得軟硬適中，我朋友真係食唔停口.經典日本牛肉流心五重芝士漢堡套餐:作為餐廳嘅鎮店寶之一，呢個漢堡絕對唔惹少，個包烘得熱辣辣，表面好脆！切開裡面，一塊好厚實嘅漢堡披住重重嘅流心芝士，加上洋蔥，蕃茄等等嘅配料，視覺上好吸引，食落去口感好full，牛肉好juicy，連埋蕃茄同生菜，感覺唔會好溜，都唔會好濟👍🏻而套餐方面，今次選擇瑞士雞翼 同 花枝丸，作為配角都算係稱職嘅飲品方面：朱古力脆脆：我自己通常出街食飯都係飲檸茶奶茶，今次試左呢杯朱古力脆脆，口感少少似奶昔，香滑朱古力味但係唔會太過甜，仲加埋d脆脆，真係飲得又食得四季春奶蓋：茶底比較清淡，而奶蓋比較濃滑，兩者融合變得成杯飲品好清新，好岩唔鐘意好濃芝士奶蓋嘅朋友