泰椰雞便利飯莊

營業中

休息中

呢晚放工想搵朋友吹吓水，但朋友已經食咗晚飯，所以想搵咗個地方係我可以食晚餐，而佢就食少少嘢飲吓嘢咁，行行吓見到有間新開嘅泰國餐廳，又有粉麵飯又有小食又有甜品，正合我哋心意，於是就入去食晚飯，叫咗以下幾款食物同飲品: 香茅雞中翼 - 雞中翼炸得皮脆肉嫩，食落很香口惹味。泰椰湯粉麵 - 揀咗招牌椰子湯配金邊粉，湯底有椰奶味，加埋附上嘅酸辣汁，湯底味道更有層次，金邊粉掛汁，魚肉卷中間嘅蔬菜新鮮，魚皮餃有魚味，豬肉餡亦鮮味，另外，芽菜及金不換令整體更清新。椰皇燉蛋白 - 燉蛋白有蛋白香及少許奶香，甜度正常，食到淡淡椰子香味，整到味道平衡得好好。原隻椰青 - 椰青很新鮮，飲落清甜，椰肉又香又嫩。