Vici Restaurant & Bar (已結業)

今日book咗荃灣一間酒吧食西餐，喺沙嗲王附近。因為行咗一陣街，行到好攰諗住早啲過去，間餐廳個氣氛好好，係一個高級酒窖嘅裝修。一坐低呢就俾咗個爆谷我哋，仲要係鹹爆谷，送酒一流，部爆谷機都好特別。之後叫咗兩杯佢哋嘅signature Cocktail，Pink skeleton 同埋Paradise ，兩杯都幾啱我哋口味，酒精啱啱好。前菜叫左個西班牙白蘆筍田園沙律，入面有白蘆筍、羽衣甘藍、粟米、藜麥、紅菜頭、青瓜、車厘茄配埋胡麻醬，個味道幾唔錯。主食有蒜香辣大蝦意粉，我幾鍾意佢嗰陣辣味，意粉嗰個口感啱啱好，另外隻大蝦都好新鮮，比我想像之中份量多。叫左個醬油焗銀雪魚 無骨勁滑 都幾厚肉醬油既味道甜甜的 有d似日式西京燒既味道 配係側邊既蘆筍 椰菜吸晒d醬油味 好惹味 最後全部吃光光 一件不漏😆星期三同五仲有live band ，一路飲酒一路聽live Band超正。