Accro Coffee

營業中

休息中

元朗人氣咖啡店Accro Coffee，咖啡師曾獲多個大賽的獎項。   元朗咖啡店唔多，講到黃氣重兼高質嘅店，莫過於位於金城樓嘅Accro Coffee！​ 呢度嘅咖啡師曾獲多個咖啡比賽大獎，而且咖啡豆都係自家烘焙，確保每杯出品嘅咖啡都盡善盡美。另外，我好鍾意呢度提供唔同口味嘅咖啡，客人又可揀手沖、虹吸等方式沖煮，餐單有個長長嘅解說，鍾意咖啡嘅人一定不可錯過！​ 新店一樣走低調文青風。  虹吸咖啡講求原味，所以製出嚟一律係無糖無奶嘅黑咖啡。 入口即見滿滿嘅獎座。     今次我揀咗Rose Latte，朋友揀咗「日曬哥斯達黎加‧火鳳凰莊園藍寶石」咖啡，同埋伯爵茶窩夫。 Latte係玫瑰＋心形拉花，好細緻😍​我較喜歡口感溫和嘅咖啡，佢呢邊嘅豆堅果味偏重，奶香味濃，超正🥰​至於藍寶石咖啡，帶清新嘅熱帶水果香氣，口感滑潤順喉，回甘味重，整體感覺好平均。最後係伯爵茶窩夫，心形窩夫好靚，伯爵茶味好出，可惜乾咗少少，無外脆內軟嘅效果😩不過幾鍾意佢哋啲cream，好香滑，加返啲分。​ 門口簡約，帶工業風，非常型格。