Vision 8

今晚黎到呢間主打意大利菜的西餐廳食晚飯，呢度除左有自家製Pizza，意粉，仲有牛扒和生蠔, 都好多選擇呀! 環境舒適, 燈光柔和, 坐低食野傾下計好舒服~兩款餐包微暖鬆軟，點埋好香既黑松露牛油, 更有味道~餐湯係西芹蘋果湯, 好清新又健康~*田園沙律 呢款沙律包含左我喜愛的無花果和牛油果, 加埋蕃茄仔及新鮮蔬菜，醬汁, 呢個搭配很喜歡, 好味~*烤美國極佳級肩胛牛扒 識得我既朋友都知我好喜歡食牛扒, 所以必試呢款, 五成熟剛好, 真係好厚身, 咬落去啖啖肉,好香濃牛味,正!  點埋芥末汁更有另外一種味道~ 薯蓉外層煎香, 再切一片片薯仔, 口感唔錯~*鮮菇蜆肉茄醬燴意粉蜆肉和鮮菇都幾多, 意粉軟硬適中，撈埋小小微辣的茄醬, 好惹味, 食多幾口, 哈哈~而家餐廳做緊蘋果木燒西班牙黑毛豬鞍扒有三折優惠, 下次一定要黎試下~