影片
更多
2019-04-16
67 瀏覽
之前見到雜誌介紹，一直都好想試呢一間拉麵店，佢最大嘅特色係仿效日本拉麵店門口有部點餐機。平時呢間鋪成日大排長龍，今日終於有機會試吓：）行去點餐機，先入錢再選擇想買既食物，然後就會出單據同埋找贖，操作方便順暢，我同朋友叫咗櫻花蝦拉麵（曲麵追加一份豚肉）、黑蒜油拉麵（直麵），同埋兩支汽水（蜜瓜梳打同桃味汽水），上菜速度幾快，坐左一陣就上菜啦。櫻花蝦拉麵（$88）曲麵軟硬度控制得剛剛好，豚肉肥瘦適中，亦唔會煮得太乾，食落嫩滑又juicy，湯底濃郁但唔油膩，食完碗麵絕對可以飲埋碗湯都唔覺得口渴，另外加上好香既櫻花蝦及蔥花，正！最最驚喜係溏心蛋，據聞係用日本長崎白蛋同醬油製作，蛋黃流心又入味，絕對為呢碗麵大大加分，下次再黎一定要追加溏心蛋，真係好好味！黑蒜油拉麵（$83）豬骨湯配以黑蒜油，湯底香濃入味，同樣麵既質地亦岩岩好（雖然個人比較鐘意曲麵，但直麵都好有咬口），豚肉配上黑蒜湯底好夾好好味。汽水方面，本人好怕太假既果味汽水，但桃味汽水（$22）同蜜瓜梳打（$18）都甜度適中，唔會好假，食完濃味既拉麵飲佢岩哂。
之前見到雜誌介紹，一直都好想試呢一間拉麵店，佢最大嘅特色係仿效日本拉麵店門口有部點餐機。平時呢間鋪成日大排長龍，今日終於有機會試吓：）
行去點餐機，先入錢再選擇想買既食物，然後就會出單據同埋找贖，操作方便順暢，我同朋友叫咗櫻花蝦拉麵（曲麵追加一份豚肉）、黑蒜油拉麵（直麵），同埋兩支汽水（蜜瓜梳打同桃味汽水），上菜速度幾快，坐左一陣就上菜啦。
櫻花蝦拉麵（$88）
曲麵軟硬度控制得剛剛好，豚肉肥瘦適中，亦唔會煮得太乾，食落嫩滑又juicy，湯底濃郁但唔油膩，食完碗麵絕對可以飲埋碗湯都唔覺得口渴，另外加上好香既櫻花蝦及蔥花，正！最最驚喜係溏心蛋，據聞係用日本長崎白蛋同醬油製作，蛋黃流心又入味，絕對為呢碗麵大大加分，下次再黎一定要追加溏心蛋，真係好好味！
黑蒜油拉麵（$83）
豬骨湯配以黑蒜油，湯底香濃入味，同樣麵既質地亦岩岩好（雖然個人比較鐘意曲麵，但直麵都好有咬口），豚肉配上黑蒜湯底好夾好好味。
汽水方面，本人好怕太假既果味汽水，但桃味汽水（$22）同蜜瓜梳打（$18）都甜度適中，唔會好假，食完濃味既拉麵飲佢岩哂。
張貼
