Pancake House HoiHoi (荃新天地) (已結業)

朋友生日黎食呢間主打日式pancake，裝修係沖繩風。有個二人餐超級抵食：兩款主菜、兩個Pancake🤤、兩杯飲品👉🏻安格斯肉眼扒配薯條意想不到好大塊牛扒，雖然係薄牛扒，但都有肉味又無咩筋，成塊都食得。薯條唔點茄汁都好味。👉🏻鐵板名古屋茄汁海蝦香腸片意粉賣相吸引，酸甜開胃，兩個女仔食好夠分。👉🏻夏威夷果仁驚喜✨Pancake輕盈鬆軟得黎，唔係一陣風，真係食得飽果隻。Cream係冰冰涼涼咁，果仁又脆，真係好好食。👉🏻提拉米蘇呢款都好味😋可以再濃味啲。👉🏻草莓香蕉冰沙好大杯～超多cream係面，撈埋果jam食一啲都唔漏，但邪惡度爆燈😋👉🏻熱帶特飲清爽好飲。