BnR (已結業)

睇完戲響荃灣廣場後面食街開餐📍👉🏻BNR雞飯個樣有啲似海南雞飯～配左碟黑色蔥醬油。一碟有雞胸雞翼雞鎚，份量都好多，夠送晒啲飯🤤油飯嘅口感咸香有咬口，蔥豉油帶甜幾好味。👉🏻麻醬手撕雞闊麵上枱果陣哇左聲，好大碟🤤麵堆到山丘仔咁，手撕雞都多，而且係雞髀肉。本人重口味試左啖麵覺得有啲清淡，問店員拎左一碟仔麻醬，店員都好helpful。追加左麻醬即刻覺得好好味🤤👉🏻鹽酥雞炸得香脆同埋好夠咸香味😋晚餐跟飲品半價，樽仔菊花蜜清甜好飲。