爹仔串燒

營業中

休息中

今晚去朋友屋企，夜晚宵夜時間去咗佢樓下附近間串燒餐廳，決定買少少上去試下個口癮買咗香蘭葉包雞，燒牛肉，台灣墨汁香腸同雞肉串。串燒上到朋友度仲係熱辣辣，外皮燒得夠香，而且佢嘅獨家花生沙爹醬汁都非常之好食，食到好香嘅花生醬味，又有唔同辣度可以揀。牛肉串都燒得好啱火喉，一啲都唔韌，份量合適，食落有牛肉味，加埋個好香嘅沙嗲醬好夾，啱曬我口味。我好欣賞個台灣墨汁香腸，墨汁令到佢變成唔係一條普通嘅台灣腸，而且完全唔一樣，同食起嚟少咗台灣腸比較油d肉脂肪較多，有啲海鮮味，零舍好食，好味道，加埋醬汁，一流！至於香蘭葉包雞，一般港式串燒鋪好少有，食起嚟夠曬肉汁同埋香蘭葉香味，雞肉都好夠嫩，而且外皮燒得夠香，一串共有三雞，太好食，食完想食多串。絕對有下次！