稻八日式火鍋炸物放題 (已結業)

琴晚喺荃灣食飯，我以為自己好耐冇打邊爐，又唔係喎，上星期先喺屋企打過，不過有得揀我都出街食，唔洗買，唔洗洗。我地來左荃灣呢間叫稻八，個場夠大，招呼唔錯，食物都正，如果未試過都值得試下一出電梯就見到好多手寫嘅祝福掛牌，好有心思，希望大家嘅願望都會實現。由於訂左位，店員好快安排左位置。呢度幾大，位置多，牆上嘅插畫都幾可愛呢度嘅位置幾闊落，唔會話好嘈。放題形式火鍋，分美國進口牛肉、特選美國殼飼牛、極上安格斯牛小排、澳洲M6和牛同日本黑毛和牛套餐，價錢係每位168蚊起，基本會包左牛肉、豚肉、雞肉、羊肉任食，炸物DIY、雪糕任食、飲品任飲；咁258蚊以上嘅套餐仲會包左刺身任食添。湯底都好多款式，我地揀左沙嗲拼泰式冬蔭公湯底，呢度嘅湯底算幾有誠意架喇有D日式火鍋真係做得好hea。沙嗲湯幾香，而且唔會太杰身，配牛肉幾好食；冬蔭公湯底入面有香茅、青檸，係有泰式風味，不過未至於冬蔭公。點左野，店員就會自動波上左肉類先，分別有兩碟進口牛肉、豚肉片、雞肉、羊肉，我地就食唔哂咁多，淨係要左牛肉同雞肉。進口牛都ok嘅，一片片好整齊，有少少脂肪，唔會太薄，口感都唔會老或者韌另外送左一碟手切牛，肉味較濃，而且配沙嗲