拉麵台風 (已搬遷) 新店位置

經過見到呢間日式拉麵店好多人排隊，咁多人排隊等嘅嘢食一定係好食嘅，就試一試啦！排隊嘅時候店員會比餐牌你，等你可以慢慢諗想食咩拉麵，店舖主要賣五種拉麵，分別係魚介豬骨湯拉麵，骨膠原撈麵，伊台風(蕃茄芝士湯底)，沾麵，同埋限定嘅極限台風。🍴 魚介豬骨湯拉麵 $78 (10/10)個湯超級濃豬骨魚介味，食得到魚介嘅鮮味，又有豬骨嘅濃郁，唔鹹，好好飲個麵嘅份量好大，應該係一般拉麵鋪嘅1.5倍，如果食唔晒可以叫少啲份量嘅麵，個麵係比較粗身，軟硬適中，好有口感，好彈牙，個人比較鍾意粗嘅麵。叉燒比較瘦，有肉香，但唔會太鞋口，ok好食。今次唔要筍，要咗一隻糖心蛋唔係但蛋味好濃，醃得幾入味！佢都有好多調味料提供，有蒜蓉，辣油，胡椒，七味粉，都好推薦大家加唔同嘅調味料，可以提升拉麵嘅層次，亦都唔會食淨係識一個味道會覺得好寡，我就比較鍾意蒜蓉同辣油，真係好香口，令到拉麵更豐富。推薦指數: 10/10真心勁好食😋$78咁高質嘅拉麵，推薦！