影片
更多
2016-12-04
1548 瀏覽
對《滿屋日本料理》的出品，向來都幾有信心，最近得知店子在荃灣開咗新分店，所以趁周末，就跟老公兩口子來吃頓日式放題。新店座落於眾安街大鴻輝(荃灣)中心 10 樓，店內地方頗大，設有多行二至四人卡座，而且間隔寬敞四正，就算之後坐滿食客，亦完全沒有迫狹的感覺。介紹一吓這裡的價錢，一如其它《滿屋》分店，晚市放題分為兩個時段，頭輪由 5:30pm 食到 8:30pm，足足有 3 個鐘，比起一般任食 2 小時的放題，時間更充裕，而第二個時段就由 8:45 pm 吃至 11:30pm。至於收費方面，就要視乎入座的日子及時間而定，以成人價為例，由 $228 至 $248 不等，另收加一服務費。不過如果 7:30pm 前離座或 9:30pm 後入座，可享全單 85 折。先翻開兩本夾滿放題紙的厚皮簿細看，一數，共有十六張，全部以不同顏色劃分，分別有小食、沙律、刺身、壽司、空運壽司、火炙壽司、卷物、手卷/軍艦、天婦羅、燒物、串燒、炸物、一品料理、和風料理、主食及特色飲品。另外餐廳亦設有自助區域，巡了一圈，有可以自己 DIY 的沙律、熟蝦、青口、日式味付螺肉、海蜇、泰式鳳爪、汁煮東風螺、即製玉子燒、水果、蛋糕
對《滿屋日本料理》的出品，向來都幾有信心，最近得知店子在荃灣開咗新分店，所以趁周末，就跟老公兩口子來吃頓日式放題。新店座落於眾安街大鴻輝(荃灣)中心 10 樓，店內地方頗大，設有多行二至四人卡座，而且間隔寬敞四正，就算之後坐滿食客，亦完全沒有迫狹的感覺。
介紹一吓這裡的價錢，一如其它《滿屋》分店，晚市放題分為兩個時段，頭輪由 5:30pm 食到 8:30pm，足足有 3 個鐘，比起一般任食 2 小時的放題，時間更充裕，而第二個時段就由 8:45 pm 吃至 11:30pm。至於收費方面，就要視乎入座的日子及時間而定，以成人價為例，由 $228 至 $248 不等，另收加一服務費。不過如果 7:30pm 前離座或 9:30pm 後入座，可享全單 85 折。
先翻開兩本夾滿放題紙的厚皮簿細看，一數，共有十六張，全部以不同顏色劃分，分別有小食、沙律、刺身、壽司、空運壽司、火炙壽司、卷物、手卷/軍艦、天婦羅、燒物、串燒、炸物、一品料理、和風料理、主食及特色飲品。
另外餐廳亦設有自助區域，巡了一圈，有可以自己 DIY 的沙律、熟蝦、青口、日式味付螺肉、海蜇、泰式鳳爪、汁煮東風螺、即製玉子燒、水果、蛋糕、馬卡龍、爆谷、軟雪糕及小甜點等。除此之外，凍櫃內亦放了不少罐裝及支裝飲品供客人自行選擇。
立即開餐，先來一些刺身打開胃口，點了三文魚、赤貝和鮑片，幾款當中，最愛吃的當然還是厚切的三文魚刺身，不但色澤亮麗，而且肉質細嫩柔軟，加上新鮮肥美，口感一流。其實赤貝和鮑片，水準亦不俗，入口爽脆鮮甜，不過為了留力，所以吃完一 Round 後，便立即轉戰壽司。
壽司選了這款香芒燕窩大蝦，壽司飯很迷你，面頭以大蝦覆蓋，再放上香芒和燕窩。燕窩分量不多，不過與香甜的芒果肉和爽彈的蝦隻十分夾配，味道合襯。
火炙壽司揀咗和風牛肉及蜜汁瑞士豚拖羅兩款，愛牛的老公對和風牛肉壽司大為受落，讚牛肉夠甘香油潤；不過筆者就反而比較喜歡蜜汁瑞士豚拖羅壽司，豚肉面頭加咗海鮮醬，味道甜甜地，是「打底」暖胃之選。
輪到吃卷物和手卷，一口氣選了數款，包括有最大路的花の戀、海葡萄香芒龍蝦沙律卷、法蓮草芝士鰻魚卷、海膽手卷、龍蝦沙律卷。筆者愛吃三文魚，搶先嘗了一口造型精緻嘅花の戀，外層三文魚夠大片，加上色澤搶眼的蟹籽作伴，無論賣相與食味均具水準。其實另外兩款卷物，都幾有特色，當中一款用上海葡萄入饌，海葡萄帶海洋鹹味，與香芒鹹甜交錯，配搭極具創意；而中間夾了法蓮草的鰻魚卷，就有平衡芝士嘅膩感功效，食味亦令人滿意。
接著輪到吃天婦羅，先介紹天婦羅蝦同日本番薯天婦羅，蝦天婦炸功雖然唔算一流，但炸漿不厚，而且吃起來頗香脆，也算可口。至於炸過的日本番薯，內裡的紫心咬下微甜脆香，加上番薯味勁濃，實在令人回味。
而老公就揀咗海鰻天婦羅同溫室南瓜天婦羅，南瓜向來不是我杯茶，所以沒試；至於海鰻天婦羅，外表炸得金黃，色澤不錯，入口魚味不濃，反而有點似炸魚皮，咬下不覺油膩，亦值得一試。
燒物方面，點了焗廣島蠔、蜜汁金沙骨、汁燒石斑魚、鹽燒雞翼和燒有機鮮菠蘿。來自日本的廣島蠔，雖然個子較細小，但經烤焗後，入口醬汁味道帶甜，拿起整隻滑入口，食味亦不俗。金沙骨既大件又肉腍；不過石斑就稍嫌燒得太乾身，幸好我至愛的雞翼，入口皮脆，加上肉質夠嫩滑，鹹香惹味，屬水準之作。另外燒菠蘿，味道亦不俗，烤至色澤金黃、食落好 Juicy，難怪老公要一再 encore 啦！
串燒點了鹽燒牛舌同鹽燒海蝦，鹽燒牛舌質感幼嫩，而且吃起來既入味又爽脆；而海蝦經鹽燒後，肉質亦夠曬結實彈牙，咬下啖啖肉。
炸物方面，一於去盡啲，一次過選了芝麻雞翼、脆皮炸香蕉、吉列炸帶子、蓮藕夾肉同紫心香芋丸。芝麻雞翼連著翼尖，吃起來不太方便，幸好炸得夠香口，加上面頭灑滿芝麻，入口香氣四溢，還不錯。炸香蕉記得要趁熱吃，尤其是它外脆內軟的口感，真令人忍不住一口接一口。蓮藕夾著免治豬肉來炸，入面嘅肉份量很少，不過蓮藕食落好爽脆，愛吃藕片的朋友，應該唔會失望。
一品料理，選擇亦算豐富，共有 7 款，不過想留力食甜品，所以只揀了鐵板帆立貝和桂花蚌炒蒜芯。原粒帆立貝肥大肉厚，燒得微焦，味道鮮甜香嫩，既爽口又彈牙，屬惹味之物，而桂花蚌炒蒜芯亦清爽不膩，兩者各有不同風味，值得一吃。
主食只簡單地點了一客滿屋蛇羹，其實這碗蛇羹，食落有點似碗仔翅，蛇肉分量不多，不過入面的肉絲，有嚼勁又不韌，加上隨羹送上薄脆，令口感更豐富。
甜品時間，軟雪糕有兩款口味，分別是雲呢嗱同朱古力咖啡；而小甜點方面，選擇亦非常豐富，包括有牛乳布甸、藍莓芝士蛋糕、朱古力榛子波、木糠布甸、70% 特濃朱古力杯、益力多乳酸、芝士撻、紐約芝士餅等等，另外店裡還有雀巢雪糕，大腳八、能得利果汁雪條和雪米糍等可供選擇，饞嘴的我當然亦每款吃了一點，實在非常飽肚。這夜吃得十分開心，等兒子考完試，一於三口子再勇闖荃灣。
張貼
