影片
更多
2024-01-31
37 瀏覽
一生懸麵📍荃灣富榮街7號富裕樓地下7號舖荃灣呢頭本身都唔少拉麵店，一生懸麵麵喺度新開咗分店，突登出嚟試試。位置兜咗個圈先見到，原來就對住捐血站個位。雞白湯拉麵$92賣相幾特別，面層一層白泡，湯底飲落好滑同幾好味，唔會太鹹亦唔會膩，拉麵掛湯連埋京蔥一齊食味道會昇華。本身有慢煮雞胸肉同慢煮叉燒各兩塊，另外再加咗慢煮叉燒、火炙叉燒、竹筍。慢煮嘅肉都好腍，個人更偏好火炙叉燒，燒過之後香口得嚟又惹味啲，肥瘦適中。原粒溏心蛋同露荀都好食😋。白湯豚骨拉麵$72幼麵，豚骨味濃郁。有溏心蛋、叉燒，紫菜。紫菜有啲驚喜，平時我麻麻地拉麵嘅紫菜，但呢度嘅紫菜淋咗都好食，好易咬斷又索湯👍🏻白桃烏龍冷泡茶$20一樽都唔細樽，飲到清香嘅白桃味同淡淡烏龍味。如果有興趣去食嘅話記得留意返有落場時間😉
📍荃灣富榮街7號富裕樓地下7號舖
荃灣呢頭本身都唔少拉麵店，一生懸麵麵喺度新開咗分店，突登出嚟試試。位置兜咗個圈先見到，原來就對住捐血站個位。
雞白湯拉麵$92
賣相幾特別，面層一層白泡，湯底飲落好滑同幾好味，唔會太鹹亦唔會膩，拉麵掛湯連埋京蔥一齊食味道會昇華。本身有慢煮雞胸肉同慢煮叉燒各兩塊，另外再加咗慢煮叉燒、火炙叉燒、竹筍。慢煮嘅肉都好腍，個人更偏好火炙叉燒，燒過之後香口得嚟又惹味啲，肥瘦適中。原粒溏心蛋同露荀都好食😋。
白湯豚骨拉麵$72
幼麵，豚骨味濃郁。有溏心蛋、叉燒，紫菜。紫菜有啲驚喜，平時我麻麻地拉麵嘅紫菜，但呢度嘅紫菜淋咗都好食，好易咬斷又索湯👍🏻
白桃烏龍冷泡茶$20
一樽都唔細樽，飲到清香嘅白桃味同淡淡烏龍味。
如果有興趣去食嘅話記得留意返有落場時間😉
張貼
