DENIM CAFE (已結業)

難得有次經過福來村附近，發覺開左間新餐廳，於是今日拉埋啊妹陪我去試。雖然是禮拜日，但是餐廳仍然未full ，所以馬上入座。員工好快就遞左杯暖水比我，細心，值得一讚。成間舖最大嘅特色就是充滿牛仔風格，估計是老闆個人的喜愛。從間舖出面嘅裝修，到內部裝修，牛仔嘅飾物，有個風鈴，牆上嘅裝飾品，幾得意。沖咖啡的bar檯下面，都有牛仔布作為裝飾。每一個裝修，都看到細節，欣賞這類型的餐廳。老闆可能係設計出身，因為每一個細節都充滿設計感覺，就連飲筒嘅包裝紙，都會印上餐廳的名字，餐具都是好有質感嘅。食物方面，漢堡包的肉趴有汁，幾好味。燒春雞就真係半隻，配蜜糖汁，賣相很吸引。個人覺得蜜蜂蜂蜜唔係一般超市買個隻，係真係濃啲蜜糖，使得出蜂蜜味，似我屋企嘅蜂蜜。如果換過另外一個汁，可能同隻雞更加夾。座位方面，空間十分舒服。如果係同朋友來，估計可以stay幾個鐘，適合catch up。最後仲有甜品，唔知係送嘅定係本來個餐有，甜品係red velvet cupcake,  幾唔錯嘅甜品。整體來講，設計吸引認真，員工都好nice, 性價比都高，下次會帶朋友來試試咖啡。身邊的咖啡控太多，咁就可以一齊來食下野傾下計。