立鮨 (安富大廈) (已結業)

 立鮨在尖沙咀開設首間店時，筆者己有留意，只是一直未有去試，或許是我仍未習慣立食。轉眼數年，最近立鮨在荃灣路德圍也添了分店。我心想，機會嚟喇！有別於總店，荃灣新店是有座位的。手機自行落單，是大勢所趨，尤其是走年輕路線既鮨店，當然會咁做。點餐後，見師傅努力埋頭準備，好快趣小食及刺身等食物隨之奉上。都說過，吃什麼也好，我吃東西是要有飲品的。見可樂是樽裝，二話不說便點上了。若然你是酒友，店內也有清酒或啤酒供應。先來的幾款小食，包括鮟鱇魚肝、咸鮮的螢光魷魚沖漬，以及入口溶化的白子，均合心意，呢個價錢，交足功課有餘。口感煙韌的燒雞泡魚乾，沾上沙律醬，又是令人停不了口的好傢伙。香噴噴既燒雞皮好吸引，不過又確係邪惡，一串兩份分，淺嚐就好。接著是刺身，牡丹蝦爽口味鮮，北海道帶子自然高質，加拿大海膽索性成板上，一大堆放在紫菜之上，捲起細嚐，是幸福的感覺嗎?再來數件壽司，和牛經火炙過肯定好，脂香滿溢的左口魚邊也是我的心水之選，友人最愛的鰻魚亦十分厚身，伴上師傅手握的赤醋飯，不俗。係人氣旺盛的店子，晚上九點半仍有唔少客來買外賣，是我的意料之外。