M Kitchen (已結業)

今日放假去左荃灣千色匯行街，行左一陣又買了一堆野有d累，就想搵間餐廳坐低食野，見到有間西餐又坐得幾舒服就入左去啦！下午餐時間點了兩個下午茶餐加一份燒焗美式豬肋骨配薯條。干炒安格斯肥牛炒意粉，安格斯肥牛肉質又唔韌，牛味香濃，意粉又有咬口又炒到好有獲氣又入味香噴噴好美味可口。燒焗美式豬肋骨配薯條🍟，美式豬肋骨燒到好香，肉質又夠淋輕輕一切已切開一條條，又不肥膩又夠入味，薯條是粗薯條外脆內粉薯仔味濃又熱騰騰。雜果雪糕窩夫，窩夫好鬆脆配上一球朱古力雪糕🍦又有雜果真是幾滿足。加$20轉白桃玫瑰花伴愛玉，淡淡白桃味加上愛玉真是好飲。維他奶紅豆冰又幾特別。