影片
更多
2020-09-03
580 瀏覽
難得星期五禁晚市堂食解禁, 星期日就嚟黃店慶祝吓。入店前, 梗係要量體溫啦, 量完體溫, 用消毒酒精消毒完對手之後, 由店員安排進店, 雖然舖仔細細, 店內只有五六張枱, 但真係估唔到有好高質素嘅食物。我同 P San 每人點咗一樣嘢食同一杯飲品, 仲有每人一份甜點。 首先嚟到嘅係慢煮牛 Bagel。 店家好細心, 個 Bagel 送到嚟嘅時候已經幫我哋砌開咗一半, 方便我同 P San 進食, 由於個 Bagel 唔算細, 我都係用刀叉砌嚟食。 望落去好飽滿, 當然有主角慢煮牛啦, 當中仲有生菜、生洋蔥、芝士片, 我一砌落去, 外面仲有少少脆, Bagel 入面軟軟的, 食落原來 Bagel 入面仲搽咗層 cream cheese, 令到本來看似平平無其嘅 Bagel 更香更濃味, 而牛肉方面亦好出色, 不但有牛味, 慢煮牛當然係唔韌, 亦都幾 juicy, 食落有驚喜。而 P San 點嘅 Egg Benedict 亦令到 P San 有驚喜, 平時 P San 好少叫有芝士嘅食物, 因為怕會好滯好膩, 但喱個 Egg Benedict 唔會, P San 竟然覺得配搭得恰到好處,
入店前, 梗係要量體溫啦, 量完體溫, 用消毒酒精消毒完對手之後, 由店員安排進店, 雖然舖仔細細, 店內只有五六張枱, 但真係估唔到有好高質素嘅食物。
我同 P San 每人點咗一樣嘢食同一杯飲品, 仲有每人一份甜點。 首先嚟到嘅係慢煮牛 Bagel。 店家好細心, 個 Bagel 送到嚟嘅時候已經幫我哋砌開咗一半, 方便我同 P San 進食, 由於個 Bagel 唔算細, 我都係用刀叉砌嚟食。 望落去好飽滿, 當然有主角慢煮牛啦, 當中仲有生菜、生洋蔥、芝士片, 我一砌落去, 外面仲有少少脆, Bagel 入面軟軟的, 食落原來 Bagel 入面仲搽咗層 cream cheese, 令到本來看似平平無其嘅 Bagel 更香更濃味, 而牛肉方面亦好出色, 不但有牛味, 慢煮牛當然係唔韌, 亦都幾 juicy, 食落有驚喜。
慢煮牛 Bagel
$65
24 瀏覽
0 讚好
0 留言
而 P San 點嘅 Egg Benedict 亦令到 P San 有驚喜, 平時 P San 好少叫有芝士嘅食物, 因為怕會好滯好膩, 但喱個 Egg Benedict 唔會, P San 竟然覺得配搭得恰到好處, 滿滿嘅芝士覆蓋住隻半熟蛋, 而蛋下面有一塊煙肉, 最底仲有一塊烘得脆脆嘅法包 (我估係啩 😅), 淡淡嘅芝士味唔會蓋住蛋香, 而煙肉為法包同蛋增潻少少咸味, 又唔會過咸, 真係配搭得非常之好, 碟邊仲配有菠菜加黑甜醋、 健康嘅藜麥同煙三文魚, 真係好滿足。
Egg Benedict
$78
27 瀏覽
0 讚好
0 留言
咖啡亦係另一亮點, 因我本身唔多好咖啡, 因為唔鐘意佢有苦澀味, 但嚟到 cafe, 當然要點咖啡 chill 吓啦。 我點嘅係熱玫瑰咖啡, 聞落有淡淡玫瑰香同咖啡味, 飲落咖啡味香濃, 但無我唔鐘意嘅苦澀味, 亦都唔會太甜, 我非常喜歡, 而 P San 點嘅凍焦糖咖啡亦好好飲, 有些少焦糖香味, 又有香濃咖啡味, 同樣唔會太甜同無苦澀味, 真係唔錯。
熱玫瑰咖啡 & 凍焦糖咖啡
$3
18 瀏覽
1 讚好
0 留言
最後到甜點。 店家對自己嘅甜點非常有信心, 只有三款分子甜點, 而且佢哋嘅名都好簡單, 以佢哋嘅外表嚟命名同埋只得一隻字, "石"、 "蕉" 同 "蛋"。 我同 P San 點咗 "蕉" 同 "石"。 "蕉" 外觀係一條香蕉剝開咗一半平放喺碟上, 上半部係半條香蕉肉, 蕉皮係用白朱古力做成嘅脆皮, 蕉皮入面包住雲呢拿雪糕, 旁邊仲有一個熱嘅朱古力班戟； 香蕉肉方面, 我估店家係有揀過, 用比較熟嘅, 所以香蕉肉香甜唔會酸酸咁, 而白朱古力外皮又唔會太甜太膩, 入面嘅雲呢拿雪糕食落好香同好重雲呢拿味, 令人一食想再食, 朱古力班戟方面, 用朱古力味班戟皮包住香濃朱古力餡, 朱古力餡一啲都唔甜, 仲有好香濃朱古力味, 我估係用純朱古力或者 dark chocolate 做嘅； P San 點嘅 "石", 應該係用 mousse 整成外層石頭嘅形狀, 入面包住紅桑子醬, 酸酸甜甜, 好開胃, 而 "蕉" 同 "石" 伴碟同樣都係用上紅桑子、藍桑子同藍莓, 再加上少少好薄嘅朱古力脆片, 增潻口感同平衡返啲甜味, 但相比起 "蕉", "石" 嘅味道同外形上都較失色。
蕉
$55
28 瀏覽
0 讚好
0 留言
石
$55
27 瀏覽
0 讚好
0 留言
食完喱餐, 總括嚟講真係令我哋有驚喜, 估唔到小店都有咁出色嘅水準, 食物已經令我哋覺得好美味, 而甜點外形同味道上更令我哋感受到店家用心製作, 價錢亦非常合理, 真係良心小店。
張貼
