Deer Kitchen (荃新天地) (已結業)

行開荃灣商場發現依間西餐廳，店內環境簡約優雅，以綠草和鹿仔點綴，仲有兩個大雀籠可以打卡，座位寬敞舒適，美食都有好多選擇，價錢合理。主廚特色小食拼盤 $188拼盤有多款小食，大部份是炸物。炸魷魚圈幾彈牙。芝士年糕口感煙韌，內裡流心的，芝士味濃郁。炸魚、炸薯角、薯絲蝦都好香脆，唔會好油膩的。水牛城雞翼辣辣地惹味好食。蟹子蟹肉明太子扁意粉 $218意粉相當掛汁，而且份量好足，口感煙韌彈牙。仲有勁多蟹籽蟹肉，非常慷慨，配以明太子醬汁鹹香滋味，好食到不得了。即焗朱古力心太軟配雪糕 $78心太軟大件，切開大量朱古力醬傾出，味道比較甜，配上雲呢拿雪糕剛好中和一下，雪糕比較凍，冰火交融對比強烈。黑鑽森林(沙冰) $58都好大杯，飲落朱古力奶味香濃，成杯飲晒都唔會好甜，。凍抹茶鮮奶 $42淡淡的抹茶味香，口感滑滑唔錯。