影片
更多
2024-06-16
50 瀏覽
曾經同朋友去過旺角分店，估唔到荃灣都有間，而且裝修喺昭和風，同附近現代風嘅餐廳有一個好大既對比，當然就揀左去呢度食野。入面最吸引嘅莫過於彩色玻璃牆，同埋復古吊燈估仲有一面黑膠碟牆，瞬間覺得自己返咗去日本舊時代，而且店內播放嘅歌曲都係懷舊歌曲。星期六日都有lunch set，價錢大概係60-70蚊包飲品。❤❤呢度嘅裝修打卡真係無得輸哈密瓜雪糕梳打，喺餐牌見到已經好想叫，係跟餐半價加購既，真係好適合喺哩個環境飲😍拉花 Latte，係有挑選過嘅咖啡豆製成，貼心地附上一張小卡仔，話俾你知咖啡豆嘅烘培度同咖啡豆嘅味道。呢杯咖啡嘅口感同味道都唔錯。啤酒薯條配黑松露蛋黃醬醬嘅調味唔錯偏向少少甜，黑松露味滿滿，薯條係幼而脆身果種，配上蛋黃醬好容易一口接一口咁食曬。懶人包哩嗰係全日早餐，配料同一般見到嘅差不多，份量充足，一般cafe都有過百蚊一份all day，呢度70幾蚊就可以食到，算幾抵。照燒雞排烏龍麵烏龍麵爽滑彈牙，雞扒嘅照燒醬汁味道比較似日式雞肉串咁，比較甜少少，雞肉軟嫩又入味，配上湯頭較清淡嘅，食落好舒服。總結係荃灣少有既日式復古風餐廳，唔止裝修吸引，食品質素都唔錯，好適合約姐妹黎打卡傾計，值
入面最吸引嘅莫過於彩色玻璃牆，同埋復古吊燈
估仲有一面黑膠碟牆，瞬間覺得自己返咗去日本舊時代，而且店內播放嘅歌曲都係懷舊歌曲。
星期六日都有lunch set，價錢大概係60-70蚊包飲品。
❤❤呢度嘅裝修打卡真係無得輸
哈密瓜雪糕梳打，喺餐牌見到已經好想叫，係跟餐半價加購既，真係好適合喺哩個環境飲😍
拉花 Latte，係有挑選過嘅咖啡豆製成，貼心地附上一張小卡仔，話俾你知咖啡豆嘅烘培度同咖啡豆嘅味道。呢杯咖啡嘅口感同味道都唔錯。
啤酒薯條配黑松露蛋黃醬
醬嘅調味唔錯偏向少少甜，黑松露味滿滿，薯條係幼而脆身果種，配上蛋黃醬好容易一口接一口咁食曬。
懶人包
哩嗰係全日早餐，配料同一般見到嘅差不多，份量充足，一般cafe都有過百蚊一份all day，呢度70幾蚊就可以食到，算幾抵。
照燒雞排烏龍麵
烏龍麵爽滑彈牙，雞扒嘅照燒醬汁味道比較似日式雞肉串咁，比較甜少少，雞肉軟嫩又入味，配上湯頭較清淡嘅，食落好舒服。
總結
係荃灣少有既日式復古風餐廳，唔止裝修吸引，食品質素都唔錯，好適合約姐妹黎打卡傾計，值得一試!
張貼
