三本目 (富麗花園)

營業中

休息中

呢間壽司刺身小店專做外賣, 放工時間見好多打工仔去買外賣, 見佢有唔同嘅飯丼, 刺身, 壽司可以揀; 刺身新鮮大件厚實, 價錢都十分實惠, 我點咗兩個飯丼返屋企共享, 落單後大約10-15分鐘就可以攞啦, 外賣仲加埋乾冰袋, 保持新鮮冰感。極上刺身丼 - $108極上刺身丼有油甘魚, 大赤蝦, 三文魚, 帶子, 三文魚籽; 原隻大赤蝦同厚切刺身排到靚靚係飯面, 見到都興奮, 佢每款都有2件, 樣樣都好新鮮, 又有口感, 三文魚籽啲顏色好靚, 好有光澤, 將三文魚籽撈飯, 真係好滿足呀!三文魚親子丼 - $68啲三文魚籽粒好多又大粒, 三文魚都好多, 新鮮鮮甜, 仲有青瓜粒及玉子粒, 啖啖都食飯加餸, 色彩繽紛, 真係好正。丼飯仲會附送三文魚味僧湯, 食完飯暖暖胃一流。