UFUFU CAFE (荃灣廣場)

營業中

休息中

放工約朋友係荃灣廣場聚舊，揀左一間日式，西式fusion嘅木系Café，因為見到圖片既裝修即刻心心眼😍相信好多女仔都係鐘意呢種輕奢木系風格，本身性格點粗獷都好，一入到呢個氛圍都會變氣質美女🧚‍♀️本身未食晚餐既我係有點肚餓，即刻想點個意粉食下，但原來主食得ALL DAY同PIZZA🥺餓鬼投胎既我本身諗住食完呢餐睇怕唔夠飽要返屋企之前拮燒賣,但原來餐點非常足料，最後我同朋友兩個人叫左一份FRENCH TOAST同一個PIZZA都完全係夠飽，唔洗加餐🤰巴馬火腿法式多士🍞食物擺盤美美、肉類同蔬菜都很豐富、蘑姑炒特又香又軟忌廉和楓糖漿使多士是整道菜最驚喜、多士完全做到外脆肉軟最出色係塊多士，切落表皮非常脆身，內裏就非常鬆軟，浸咗牛奶蛋液漿，食落的確係唔同啲！表面仲有微甜嘅忌廉加上士多啤梨果肉，食前再落少少嘅糖漿，非常滿足。博多明太子pizza🍕明太子份量好多pizza亦烤得都夠酥脆，加埋滿滿嘅芝士，食落鹹鹹香香，好食！另外作為一間Café既靈魂:咖啡☕️佢地都唔馬虎，鋪頭用既日式咖啡偏濃味，適合鍾情黑咖啡人士。