影片
更多
2021-10-03
171 瀏覽
入到荃灣探朋友，佢帶咗我去呢間餐廳晚餐，一間幾有格調嘅小石屋，裝修幾靚，感覺唔錯。是日餐湯係南瓜湯，質地creamy好順口，好香南瓜味，如果份量多d就好了。另一個係龍蝦湯，湯有好濃郁既龍蝦味道，而且有啲蝦肉，鮮甜鹹香，用來佐麵包食一流，價錢貴少少都係合理。不得不提，麵包外脆內軟而且熱辣辣。燒原隻波士頓龍蝦配果仁香茅茄蓉天使麵我哋兩個女仔都係龍蝦控，好期待呢個main course。賣相好吸引，龍蝦擺成心形形狀，天使麵有食用花做裝飾，打卡一流。龍蝦爆膏，蝦肉爽口彈牙，有龍蝦鮮甜味，但略嫌燒多咗d時間，乾咗dd，好在連同醬汁一齊食補救番，很滿足。天使麵好掛汁，醬汁濃郁入味，加上香口果仁增加口感及香氣，很不錯。黑松露炒雜菌分量看似少，不過原來好多，入邊有鮮冬菇同鮮蘑菇粒，香濃既黑松露連同菌類的確十分配合，健康又好味。Apple crumble with Vanilla ice cream 另外一個打卡食品，上枱時要準備好電話拍video。waiter 打開玻璃罩，頓時煙霧彌漫，甜品慢慢從神祕迷霧中清晰，感覺幾特別。個apple crumble 熱辣辣，萍果味清香加上少許玉桂味，餅碎好鬆脆，蘋
是日餐湯係南瓜湯，質地creamy好順口，好香南瓜味，如果份量多d就好了。
另一個係龍蝦湯，湯有好濃郁既龍蝦味道，而且有啲蝦肉，鮮甜鹹香，用來佐麵包食一流，價錢貴少少都係合理。不得不提，麵包外脆內軟而且熱辣辣。
燒原隻波士頓龍蝦配果仁香茅茄蓉天使麵
我哋兩個女仔都係龍蝦控，好期待呢個main course。賣相好吸引，龍蝦擺成心形形狀，天使麵有食用花做裝飾，打卡一流。
龍蝦爆膏，蝦肉爽口彈牙，有龍蝦鮮甜味，但略嫌燒多咗d時間，乾咗dd，好在連同醬汁一齊食補救番，很滿足。
天使麵好掛汁，醬汁濃郁入味，加上香口果仁增加口感及香氣，很不錯。
黑松露炒雜菌
分量看似少，不過原來好多，入邊有鮮冬菇同鮮蘑菇粒，香濃既黑松露連同菌類的確十分配合，健康又好味。
Apple crumble with Vanilla ice cream
另外一個打卡食品，上枱時要準備好電話拍video。waiter 打開玻璃罩，頓時煙霧彌漫，甜品慢慢從神祕迷霧中清晰，感覺幾特別。
個apple crumble 熱辣辣，萍果味清香加上少許玉桂味，餅碎好鬆脆，蘋果爽軟，兩種截然不同嘅口感，連同Vanilla雪糕一齊食，一冷一熱配合得宜。減肥都忍唔住食多幾啖。
餐廳唔算好大，不過整體環境同氣氛都唔錯，侍應態度良好，食物質素佳。另外有個drink list, 都係一個飲嘢好嘅地方。
張貼
