Hungry Monkey (海之戀商場) (已結業)

今次去荃灣覓食😆係荃灣行緊商場，lunch time時見到呢個餐廳的lunch menu好似唔錯，咁就試下呢間。香蔥牛肉薄燒 $98呢個牛肉燒得非常好食。牛肉食落好juicy，不乾不韌，食落牛味十足，油香四溢，仲有少少辣辣地，非常惹味，配埋香蔥同炸蒜粒，味道昇華哂🤤海鮮定食 $108海鮮有蠔，蛤，八爪魚，帶子，墊底有芽菜。蠔都幾大隻，蛤數量都多，不過有幾隻食都有少少沙😅八爪魚非常爽口彈牙，都易咬開唔算太韌。帶子都幾好食，有外脆內軟的口感。墊底的芽菜吸收哂海鮮的鮮味，送飯一流。跟餐有味噌湯，沙律，麻醬豆腐同炒飯。味噌湯同沙律正常發揮，麻醬豆腐味道甜甜地，豆味都濃。炒飯食落都幾乾身，配埋蔥同炸蒜片非常香口惹味。海膽溶岩魚餅 +$15其實就係蟹籽丸芝心丸d friend🤣食落唔係好食得出海膽的味，不過餡都算多，魚餅部分正常發揮，無乜特別驚喜。Hungry Monkey (海之戀商場) (荃灣)荃灣大河道100號海之戀商場3樓3016號舖*上述文章只供參考及以當時價格為準