影片
更多
2021-09-28
240 瀏覽
拉麵台風 荃灣上次星期五晚想去食，見到排隊勁多人就打消左呢個念頭。知道佢係排隊名店，今次决閒日中午時間去食，好好彩等一陣位就入得。要左限定嘅沾麵，一日限定得30碗，一開門晏晝去好大機會有得食。要左（＄83）沾麵，沾麵係凍嘅，食落好有咬口，夠煙韌，鐘意食硬麵嘅應該會幾愛沾麵嘅質地。另外要左極限台風，佢冇寫係咩味嘅拉麵，落左單入座後先知係咩，（＄78）柚子拉麵，湯夠熱，湯底味道好豐富，仲好濃厚，就咁飲都好好飲。碗麵嘅仲有啲柚子啫喱，就咁食好酸，要拌匀落碗拉麵度，用湯底嘅熱力融化佢。湯底變得好rich，輕微嘅酸酸地，balance左豬骨湯嗰種厚重感。叉燒夠大塊，有豬肉味，有肥有瘦。另外，午餐時間會多送半隻溏心蛋，有溏心效果嘅，味道ok。店鋪唔係好大，全部都係單人吧枱位，不過好細心咁有箱比你放袋。店員溝通都係用日文，感覺好似去左日本咁。整體黎講個拉麵係真係幾正，唔多人排隊嘅話，會想試埋佢個蕃茄芝士湯。
上次星期五晚想去食，見到排隊勁多人就打消左呢個念頭。知道佢係排隊名店，今次决閒日中午時間去食，好好彩等一陣位就入得。要左限定嘅沾麵，一日限定得30碗，一開門晏晝去好大機會有得食。要左（＄83）沾麵，沾麵係凍嘅，食落好有咬口，夠煙韌，鐘意食硬麵嘅應該會幾愛沾麵嘅質地。
另外要左極限台風，佢冇寫係咩味嘅拉麵，落左單入座後先知係咩，（＄78）柚子拉麵，湯夠熱，湯底味道好豐富，仲好濃厚，就咁飲都好好飲。碗麵嘅仲有啲柚子啫喱，就咁食好酸，要拌匀落碗拉麵度，用湯底嘅熱力融化佢。湯底變得好rich，輕微嘅酸酸地，balance左豬骨湯嗰種厚重感。
叉燒夠大塊，有豬肉味，有肥有瘦。另外，午餐時間會多送半隻溏心蛋，有溏心效果嘅，味道ok。
店鋪唔係好大，全部都係單人吧枱位，不過好細心咁有箱比你放袋。店員溝通都係用日文，感覺好似去左日本咁。整體黎講個拉麵係真係幾正，唔多人排隊嘅話，會想試埋佢個蕃茄芝士湯。
張貼
