醉潮館

營業中

休息中

三陂坊開左間新既潮式菜館，見門面同店面風格都幾古裝下，加上一早去到未有人，唔使排隊，於是就試下喇。打開餐牌，見有傳統既潮菜，亦都有d新潮菜式。傳統鴨蛋煎蠔烙：半煎炸的蠔烙，好香脆好食。蠔烙大大塊，蠔仔好肥美，好新鮮，亦唔會話得幾隻咁少，每一啖都食到好肥好鮮既蠔仔。小米餃：個皮精瑩通透，好似蝦餃咁靚，食落個皮比蝦餃皮更有𡁻頭、煙煙韌韌。餡就好似魚皮餃，幾有趣的。火焰辣酒煮醉螺：個湯汁好正，同花螺勁夾。你咪睇煲野細細，花螺都好多嫁。叫埋啤酒，一邊食一邊飲啤酒，無得頂。