影片
更多
2021-03-22
291 瀏覽
【油香澎湃火炙左口魚裙邊🌋荃灣最具質素兼價錢親民日本餐廳🇯🇵】早排無晚市堂食小編係路德圍掃街食晚餐個陣，留意到依間係橋底既日本餐廳，發現佢啲壽司唔算特別貴， 外賣app再打多個八折，一試就被驚豔咗😱😱所以之後就同fd再黎過食午餐😎依間餐廳既壽司款式都唔少，仲有比較少有既白子，不過小編就無叫到啦😣午市定食由$58起，性價比超高，不過就算單點餐牌都價錢都非常合理，依間絕對係小編係荃灣食到既最有質素日本餐廳👑—《 #火炙左口魚裙邊壽司》$30/兩貫 ⭐⭐⭐⭐⭐火炙左口魚裙邊壽司真係真係必點阿‼️由於小編既朋友好中意食火炙左口魚裙邊，所以小編食下食下都食咗好多唔同店既左口魚裙邊壽司，而依間係小編食過排係首三位既火炙左口魚裙邊壽司，而且個價錢完勝🏆一咬落去，會食到左口魚既厚度，唔係個啲碎濕濕既左口魚🤩面頭火灸得岩岩好，帶點焦香，咬落去魚油會滲哂出黎，成個口都係澎湃既油香💣而個壽司飯既份量岩岩好，正到不得了😍雖然再戰時個左口魚有少少筋，但味道真係無可挑剔，絕對要試👍🏼—《 #劍魚腩壽司》$26/兩貫 ⭐⭐⭐⭐⭐平均唔洗$20一件既劍魚腩壽司，真係物超所值🏷腩位係一定要厚切，刺身食得出新鮮又肥美🎣雖然
81 瀏覽
1 讚好
0 留言
早排無晚市堂食小編係路德圍掃街食晚餐個陣，留意到依間係橋底既日本餐廳，發現佢啲壽司唔算特別貴， 外賣app再打多個八折，一試就被驚豔咗😱😱所以之後就同fd再黎過食午餐😎依間餐廳既壽司款式都唔少，仲有比較少有既白子，不過小編就無叫到啦😣午市定食由$58起，性價比超高，不過就算單點餐牌都價錢都非常合理，依間絕對係小編係荃灣食到既最有質素日本餐廳👑
—
《 #火炙左口魚裙邊壽司》$30/兩貫 ⭐⭐⭐⭐⭐
火炙左口魚裙邊壽司真係真係必點阿‼️由於小編既朋友好中意食火炙左口魚裙邊，所以小編食下食下都食咗好多唔同店既左口魚裙邊壽司，而依間係小編食過排係首三位既火炙左口魚裙邊壽司，而且個價錢完勝🏆一咬落去，會食到左口魚既厚度，唔係個啲碎濕濕既左口魚🤩面頭火灸得岩岩好，帶點焦香，咬落去魚油會滲哂出黎，成個口都係澎湃既油香💣而個壽司飯既份量岩岩好，正到不得了😍雖然再戰時個左口魚有少少筋，但味道真係無可挑剔，絕對要試👍🏼
—
《 #劍魚腩壽司》$26/兩貫 ⭐⭐⭐⭐⭐
平均唔洗$20一件既劍魚腩壽司，真係物超所值🏷腩位係一定要厚切，刺身食得出新鮮又肥美🎣雖然劍魚既口感係比較厚實，但師傅切得中間比外面厚身少少，更易於咀嚼，而中間亦劃上咗數刀，令佢貌相更吸引🎏
—
《 #天龍丼》$108 ⭐⭐⭐⭐💥
係午市套餐個menu黎講，依個天龍丼算係比較貴少少既餐，所以對佢期望都較高💭結果係大勝預期，餐廳比足哂料👨🏻🍳，兩隻大赤蝦、兩塊厚切三文魚、兩隻帶子、仲有油甘魚、鱆紅魚、吞拿魚各一塊、面頭再放咗一大撮海葡萄，全部都好有質素💯底下既壽司飯亦都無吝嗇，食完個丼真係飽到不要不要的🤰🏻
—
《 #沙律角切魚生丼》$58 ⭐⭐⭐⭐
依碗角切魚生丼豐富得有啲驚訝😳有三文魚、超多既三文魚籽、八爪魚、希靈魚、吞拿魚等等🤩而且比起平時角切既魚生大成一倍又多，兩三粒已經係平時一塊刺身既份量💪而魚生係用生葵沙律油醃過，食落會有啲油香😀
—
《 #蝦味噌濃湯叉燒拉麵》$58 ⭐⭐⭐
想試下啲熱食所以叫咗個拉麵試，一個$58既拉麵都無期望佢有出面拉麵鋪既質素🤫但個蝦味噌濃湯味道又真係夠濃🦐麵有少少似公仔麵既質感，配有兩塊叉燒、半粒半熟玉子同魚糕，整體唔錯😋不過始終依道係生食比較出色，所以下次食都係會食番壽司刺身🤣
張貼
