DENIM CAFE (已結業)

試了很多cafe或有優質咖啡的餐廳，今日呢間係我會再去，而且係當中整體評分最高的一間。這間以牛仔褲做主題的Cafe, 在入口旁邊的牆架擺設已經非常別緻，天花掛了一筒一筒的牛仔褲也很特色，環境舒適，令人放鬆。我同太太點了兩個節日set, 食物質素唔錯，南瓜湯完全冇味精，豬扒厚得嚟唔會太硬或太肥，卡邦尼意粉夠creamy。 除咗主食，當然還有指定動作: 有奶咖啡，可能因為最近再回頭的cafe也令我佷失望，呢杯俾到我特別驚喜，豆好香，有點偏苦，拉花維持到用餐後都唔瀉。有位美女待應表現出色，在用餐時已經聽到隔離枱食客當面讚佢靚，結帳時佢首先就問甜品上咗未，夠窩心，我忍唔住讚杯咖啡好好飲，仲問有冇豆賣，佢反應好快: 我哋雖然冇賣，但係會同老板反映吓，佢唔講我仲以為佢係老板，靚女待應好多時都在宜家嘅Cafe, 通常都係得個樣，有這種服務態度同質素，應該係第一次見。做到咁嘅價錢，有咁高整體評分，係勝於大部分同類型Cafe(荃灣區內應該冇對手), 物超所值。