一鍋堂 (大鴻輝(荃灣)中心) (已搬遷) 新店位置

星期六嚟到荃灣大鴻輝中心11/F(一鍋堂)食佢嘅火鍋放題，因為之前都聽好多住荃灣嘅朋友推介過呢間，所以今次就嚟試真下，最後就揀咗A餐158蚊再加一(1位)，湯底入座前就會落好單，但好可惜鴛鴦鍋要加50蚊所以冇加到，海鮮種類都幾多選擇，有蝦有元貝仲有大蜆，最好食係白鱔片，脆肉鯇同樣ok，牛肉同豬肉就不過不失，出面吧台仲有前菜小食同丸類攞，調味醬油同飲品都多選擇，我同朋友食完之後都覺得呢間一鍋堂既食物質素不錯，對得住個價錢，性價比亦幾高，係可以返轉頭之選。