老馮茶居 (荃灣千色匯II)

Item: 老馮茶居 (荃灣千色匯II)
Rating: 3
Author: xkxblog

Old Fung Tea House (KOLOUR • Tsuen Wan II)

3.5

107 食評

味道

環境

服務

衛生

抵食

5689

荃灣

$51-100

港式點心

複製到剪貼簿

xkxblog

等級4

247

之前去元朗總店已經想幫襯，但大排長龍。今日經過荃灣分店有位，一於支持吓。第一輪先叫5款蟹子燒賣皇（$28），大粒，豬肉蝦肉都好彈牙，好味道。另外辣油都唔錯。金牌炸芋角（$18），外層鬆脆，裡面芋蓉有肉碎，味道很好。雖然係熱的，但食得出係炸完一段時間，因為有回油嘅味道，可惜（唔係即炸，因為落單後唔使一分鐘就上枱）。如果係即炸，一定好味好多。老馮流沙芋泥包（$20），熱辣辣（小心辣咀），流沙芋泥超香濃，甜味適中，好味道。古法千層糕（$26），鬆軟，中間有蛋黃、奶皇、椰絲，味道可以。八珍糯米雞（$28），大隻，餡料有雞翼、臘腸、蛋黃、肉碎，糯米唔會濕淋淋，味道可以。食完再加單叫多4款鮮蝦腐皮卷（$26），外層腐皮堅食到腐皮味，內裡蝦膠蝦肉彈牙，但又係可惜比較油。蔥花蝦米腸（$20），滑，勁多蔥，蝦米亦不少，好味道。豉汁蒸鳳爪（$23），味道正常，另外有2舊索哂豉汁味嘅麵筋。正宗潮州粉果（$20），味道可以，但餡料得沙葛、花生、肉碎，可惜韭菜較少同無咗蝦米，係差咗丁丁。PS：$5@茶錢，免加一。

之前去元朗總店已經想幫襯，但大排長龍。今日經過荃灣分店有位，一於支持吓。

第一輪先叫5款
蟹子燒賣皇（$28），大粒，豬肉蝦肉都好彈牙，好味道。另外辣油都唔錯。
金牌炸芋角（$18），外層鬆脆，裡面芋蓉有肉碎，味道很好。雖然係熱的，但食得出係炸完一段時間，因為有回油嘅味道，可惜（唔係即炸，因為落單後唔使一分鐘就上枱）。如果係即炸，一定好味好多。
老馮流沙芋泥包（$20），熱辣辣（小心辣咀），流沙芋泥超香濃，甜味適中，好味道。
古法千層糕（$26），鬆軟，中間有蛋黃、奶皇、椰絲，味道可以。
八珍糯米雞（$28），大隻，餡料有雞翼、臘腸、蛋黃、肉碎，糯米唔會濕淋淋，味道可以。

食完再加單叫多4款
鮮蝦腐皮卷（$26），外層腐皮堅食到腐皮味，內裡蝦膠蝦肉彈牙，但又係可惜比較油。
蔥花蝦米腸（$20），滑，勁多蔥，蝦米亦不少，好味道。
豉汁蒸鳳爪（$23），味道正常，另外有2舊索哂豉汁味嘅麵筋。
正宗潮州粉果（$20），味道可以，但餡料得沙葛、花生、肉碎，可惜韭菜較少同無咗蝦米，係差咗丁丁。

PS：$5@茶錢，免加一。