湄南.河泰式船麵 (已結業)

今日去左荃灣shopping，見到呢間湄南河泰式船麵，門口位有張海報，寫住逢星期六、日有『我要食十碗』船麵競食挑戰賽，如果成功上榜，有$120 禮券送，活動完結的冠軍更可享全年免費食麵，真係好吸引，一於入去試下。餐牌除左主打既船麵，仲有好多款特色泰國美食，同埋套餐可以選擇。傳統細船麵3小碗，可以靈活配搭自己喜愛的口味：1）米粉+清湯+泰式扎肉2）金邊粉+船湯+泰式牛丸3）河粉+清湯+泰式豬肉丸每款都好有泰國風味，泰式丸類特別彈牙，湯底調配得好，船麵細細碗，真係可以食到10碗😂香茅豬扒飯：豬扒煎得好香口，啖啖肉又鬆軟，香茅醃得入味，不容錯過。泰式豬肉生菜包：加左指天椒、洋蔥、魚露、檸檬葉在豬肉碎裡面，用新鮮生菜包住嚟食，勁惹味。總結，食物美味，出餐快，員工有禮貌，唔使加一，性價比高。