川燒王

營業中

休息中

今次嚟到荃灣，口痕食完晚飯想搵d串燒食下，行下行下見到呢間川燒王，唔知係咪同我之前幾間相似，一於又入去試試x第n次🤪🌟汁燒火箭魷魚筒 $78隻🌟魷魚筒成隻碟咁大，又可以食到魷魚鬚又可以食到魷魚筒，口感燒得啱啱好，唔會太韌，加埋味粉食仲惹味🌟燒韮菜 $15串🌟韮菜好長好大份，上面曬滿孜然粉，好惹味，食落既有蔬菜嘅鮮味又有香料味道，唔會互相搶味，食完又想要食🌟原隻田雞燒🌟田雞真係成隻上，啖啖肉，肉質都幾爽口，個人鍾意食田雞腿腿肉，特別有質感，落埋孜然粉食仲夠味，而且都幾夾🌟燒菠蘿 $22/3塊🌟燒菠蘿真係我去每間都要叫嘅串燒，咬落去一樣都好爽甜多，好似飲緊成口菠蘿汁咁正咁清新🌟燒原條秋刀魚 $65/2條🌟秋刀魚都幾大條，個外皮燒得香脆，入面嘅魚肉都夠結實，唔會一食就散晒，唔錯🌟鹽燒大海蝦 $45/2隻🌟上次係第二間試過大海蝦，真係好大隻，呢次見有鹽燒更加想試下。照舊都係會試埋個蝦頭，食到係非常濃郁嘅蝦膏味，加埋鹽燒下蝦肉味仲出左，蝦肉都幾爽口