影片
更多
2023-03-18
551 瀏覽
喺荃灣東亞花園打完波，想食健康野～上網一search搵到呢間，有啲印象之前喺荃灣地鐵站嗰邊有見過，於是入去試吓～呢間舖頭主打健康、新鮮即做、無任何添加同味精～飯係100%日本米同埋秘製日本醋～手撕雞青瓜飯團 $46即叫即做、分量十足嘅飯團，一個仲大過我成個手掌，平時lunch食呢個絕對夠食～拎到返屋企食仲熱辣辣，切開見到滿滿嘅手撕雞同青瓜，一食就知係心機野～堅係完全冇味精，好天然嘅味道，飯粒粒分明同飽滿，好食過華xx嗰啲連鎖集團超級多～鰻魚玉子青瓜炒麵 $63必食！所有嘢都係新鮮做，感覺真係好好～滑蛋新鮮炒起，鰻魚一啲雪味都無，炒麵嘅面底感覺好似健康嘅蕎麥麵，調味岩岩好，惹味得黎完全無味精，食完完全唔頸渴～木瓜鮮奶桃膠 $42係我飲過最好味嘅木瓜鮮奶桃膠～見到佢哋嘅木瓜係新鮮榨，桃膠即場預備，各樣嘢嘅配搭都非常之好～露兜水呢度另一個賣點係自家製嘅涼茶糖水，店主話係佢哋每日新鮮煲，雪櫃有幾多支就係咁多枝，保證新鮮製造～店主見到我熱氣，送咗呢支細支裝俾我試吓～呢個亦係我喜歡小店的原因，一食就知道呢一間好用心去經營的小店，有食材到客服，所有嘢都好貼心～大家經過都一齊支持下呢啲買少見少嘅小店～
喺荃灣東亞花園打完波，想食健康野～上網一search搵到呢間，有啲印象之前喺荃灣地鐵站嗰邊有見過，於是入去試吓～
呢間舖頭主打健康、新鮮即做、無任何添加同味精～飯係100%日本米同埋秘製日本醋～
手撕雞青瓜飯團 $46
即叫即做、分量十足嘅飯團，一個仲大過我成個手掌，平時lunch食呢個絕對夠食～拎到返屋企食仲熱辣辣，切開見到滿滿嘅手撕雞同青瓜，一食就知係心機野～堅係完全冇味精，好天然嘅味道，飯粒粒分明同飽滿，好食過華xx嗰啲連鎖集團超級多～
鰻魚玉子青瓜炒麵 $63
必食！所有嘢都係新鮮做，感覺真係好好～滑蛋新鮮炒起，鰻魚一啲雪味都無，炒麵嘅面底感覺好似健康嘅蕎麥麵，調味岩岩好，惹味得黎完全無味精，食完完全唔頸渴～
木瓜鮮奶桃膠 $42
係我飲過最好味嘅木瓜鮮奶桃膠～見到佢哋嘅木瓜係新鮮榨，桃膠即場預備，各樣嘢嘅配搭都非常之好～
露兜水
呢度另一個賣點係自家製嘅涼茶糖水，店主話係佢哋每日新鮮煲，雪櫃有幾多支就係咁多枝，保證新鮮製造～店主見到我熱氣，送咗呢支細支裝俾我試吓～呢個亦係我喜歡小店的原因，一食就知道呢一間好用心去經營的小店，有食材到客服，所有嘢都好貼心～大家經過都一齊支持下呢啲買少見少嘅小店～
張貼
