蝦麵店 (荃新天地) (已結業)

今天的我突然好想食香口既喇沙，所以諗都係諗過就去左食馬拉菜，今次就試食咗荃灣依間麵店😋😋今日既大餐包括：咖喱喇沙海鮮麵、娘惹參巴咖哩蕃薯葉、榴槤咖央多士同桔子香茅凍😻😻😻蕃薯葉搭咖沙好香，依個係香辣版既喇沙，個嘴食完會feel到刺激感🙈🙈！麵湯落左椰奶，冇蕃薯葉個汁咁辣。依個咖沙係以豬骨同雞熬出黎既湯頭，蝦仲有蝦頭連住，食到膏味，海鮮都算多（有青口、魷魚、蝦、腐皮同蟹柳）真的不錯🥳🥳🥳🥳最後甜品叫咗榴槤咖央多士同桔子香茅凍。桔子香茅凍好似大陸嗰啲冰粉咁，即係白色嘅涼粉咁，即係甜甜地得來又唔係好Heavy啦。而這個榴槤咖央多士，其實不太重榴連味，但好香的咖央味道👍🏻👍🏻