金屋泰國菜館

營業中

休息中

屋企人食過呢間餐廳話好食，啲座位比較闊落，所以有時唔想煮飯都會過嚟呢間餐廳食🤪款式選擇都幾多，好多海鮮！炸蠔餅都有！炸蠔餅潮州炸蠔餅就食得多，泰式炸蠔餅又真係未食過😶所以跟住就叫咗，估唔到都有啲驚喜！食物上到枱嘅時候仲發出滋淡聲嘅聲響，因為用鐵板上而且係啱啱整起，夠晒熱啱我心水！生蠔份量都好多，而且冇沙！食落都感覺新鮮🤗🤗蛋漿同粉漿做比例ok！而且唔會太咸！下邊就用芽菜鋪墊，感覺健康😬😬仲有叫咗鮮蝦扎肉米紙卷，入面有芒果而且有啲炸蒜片！口感豐富！感覺清新🤗食泰國嘢又點少得菠蘿海鮮炒飯😎😎😎呢個菠蘿海鮮炒飯係裝係個菠蘿到，夠晒有風味！而且個炒飯有大量海鮮！魷魚、蝦肉、青口等等！而且仲落咗超多提子乾肉鬆腰果！每一啖炒飯都食到好多餸！有種超級滿足嘅感覺🤩🤩🤩