影片
更多
2018-08-16
901 瀏覽
工作、工作、再工作, 原來成21:30, 大家肚仔打鼓打到隆隆聲了, 有老闆請, 食餐好的, 除咗 citywalk 外, 荃灣的美食地圖己伸延到楊屋道街市附近的翻新商場, 全棟幾乎都係新食店, 今晚食11樓的福丸, 貪佢開到零晨12點, 仲有大把時間慢慢傾。餐牌食物跟一般日式餐廳差不多, 壽司、刺身、燒物、酒類……最正係呢十數款不同口味的生啤！桃味乳酸飲品今晚有啲累, 有啲眼瞓, 飲埋酒我驚即刻瞓得著, 所以棄酒改飲乳酸, 呢杯乳酸桃味好濃, 杯底仲有桃肉粒, 味道天然不化學, 酸咪咪, 夠冰涼, 好提神。肚仔餓, 唔使急, 最緊要快大前提下, 每人一set 是日廚師發板（Omakase）好了, 是日廚師推介餐單, 不時不食, 經理話餐單刺身壽司每天有所不同。前菜五點盛合**秋葵鮮淮山啫哩好清淡, 滑浖浖嘅啫哩狀透明物體, 加埋帶點黏性質地又爽口嘅鮮淮山條及秋葵, 口感都幾特別, 滑潺潺**紅酒酸橋頭 ~ 紅酒味唔太濃, 酸勁十足, 食完即刻醒曬。**醬漬蒜頭 ~ 口感爽口, 蒜味隨和, 唔辛辣, 醃醬好似系由醬油、魚溶及小蝦發酵而成, 食到魚溶及小蝦的鹹香。刺身x 5**蜜柑雕 ~
餐牌食物跟一般日式餐廳差不多, 壽司、刺身、燒物、酒類……最正係呢十數款不同口味的生啤！
桃味乳酸飲品
今晚有啲累, 有啲眼瞓, 飲埋酒我驚即刻瞓得著, 所以棄酒改飲乳酸, 呢杯乳酸桃味好濃, 杯底仲有桃肉粒, 味道天然不化學, 酸咪咪, 夠冰涼, 好提神。
肚仔餓, 唔使急, 最緊要快大前提下, 每人一set 是日廚師發板（Omakase）好了, 是日廚師推介餐單, 不時不食, 經理話餐單刺身壽司每天有所不同。
前菜五點盛合
**秋葵鮮淮山啫哩好清淡, 滑浖浖嘅啫哩狀透明物體, 加埋帶點黏性質地又爽口嘅鮮淮山條及秋葵, 口感都幾特別, 滑潺潺
**紅酒酸橋頭 ~ 紅酒味唔太濃, 酸勁十足, 食完即刻醒曬。
**醬漬蒜頭 ~ 口感爽口, 蒜味隨和, 唔辛辣, 醃醬好似系由醬油、魚溶及小蝦發酵而成, 食到魚溶及小蝦的鹹香。
刺身x 5
**蜜柑雕 ~ 肉質柔滑, 味道甘甜, 新鮮沒魚腥, 可不拈醬油淨食。
**深海池魚 ~ 油性頗重, 但爽口, 魚味較濃, 拈芥末醬油食較佳。
**赤座蝦 ~ 第一次食, 蝦肉清而甜, 口感微爽。
**帶子 ~ 夠厚身, 微爽, 可惜甜鮮度有所不足。
**拖羅 ~ 斎睇都夠肥美了, 入口油甘嫩滑, 拈幾滴醬油食最原味。
壽司x 3
**金目鯛 ~ 魚肉嫩紅, 肉質爽脆甜美。
**石垣貝 ~ 爽甜
**穴子 ~ 穴子即海鰻, 個子細小, 肉質偏結實爽甜, 加埋壽司飯嘅煙韌, 幾好趙。
壽司飯以赤醋撈, 好清淡, 每舊壽司飯已經放了少許芥末在內。
鐵板燒 ~ 西班牙紅蝦
上檯熱辣辣, 香氣極似龍蝦膏, 附芝士薄脆。
紅蝦汁極香濃, 味道真係好似濃版龍蝦湯, 紅蝦夠大隻, 蝦肉有三大嚿, 爽甜脆口
蝦頭的蝦膏甘香軟滑, 整體真係好似食緊龍蝦。
煮物 ~ 鮑魚葛煮
葛煮即係蘿蔔, 以淡醬油煮, 好清淡, 鮑魚夠大隻, 鮑味夠, 個人對呢個煮法麻麻地, 味道唔討好, 冰震拈醬油食可取。
燒物 ~ 活鰻魚米茄子燒
鰻魚即燒, 掃上香甜鰻魚醬, 燒得皮脆脆的, 好香口, 鰻魚肉輕油版, 油份不多, 較乾身, 魚味都濃啲, 雖則話唔係好滑口, 勝在較健康, 低部的茄子軟腍, 吸晒啲鰻魚, 好好味。
浜燒x 2
白松露黃金甲羅燒 ~ 蟹蓋內放滿蟹膏、蟹肉、白松露、鵪鶉蛋、蔥花及蟹籽, 仲有一件牛油。
將燒好後的蟹蓋撈混才吃, 蟹籽口感爆脆, 蟹膏甘香, 蟹肉充滿濃濃的海水鹹鮮, 白松露清香, 還有鵪鶉蛋的滑溜, 配上燒得脆脆的多士, 好幸福的感覺。
**內紫貝
加淡醬油及味啉燒, 食時帶少許酒香, 貝片幾新鮮, 也爽口, 不過粒帶子就over 燒左, 有點韌。
食事 ~ 和牛炒飯
食到呢度.....其實肚子 very full 了, 但見到呢碗香噴噴嘅和牛炒飯, 珍珠米飯粒粒分明圓潤, 好似在叫.....咬我啦、咬我啦, 我就咬你.....幾口咁多啦, 珍珠飯炒得好乾身, 仲有大量和牛粒及鮮冬菇粒, 又香又爽口, 加埋煙韌飯粒, 好味
甜品 ~ 日本粟米
吓！呢個甜品又幾搞鬼喎, 日本粟米bb雪冰凍, 又嫩、又甜又多汁, 不過甜品我都係想食日本雪糕多啲。
張貼
