阿荔車仔麵

營業中

休息中

車仔麵都好受香港人歡迎，唔貴、選擇多，又好味。荃灣廣場附近間阿荔車仔麵比到驚喜，落街想食碗麵就會諗起佢。.今次食左沙嗲烏冬沾麵同自選麵，個沾麵超好味，大家黎到都一定要試！花生醬未濃郁，夠杰身，掛到汁，烏冬仲係靚烏冬—讚岐烏冬，食落好煙韌，份量又多！餸方面可以揀三款，我揀左牛栢葉、肥牛同蘿蔔，牛栢葉本身冇調味，沾個醬好好味😆肥牛牛味都好重！.另一碗自選，店主有介紹話豬手、牛腩等係40年傳統味道，我地就叫左個牛腩黎試下，味道果然好正，夠淋入面。辣既玻璃魷魚都好惹味，麻辣湯亦都好特別，唔係普通車仔麵會有既湯底。.最後要讚下枝茶，回甘味濃，食完辣野飲佢一流，必嗌😝唔會太濃，夜晚飲都唔驚訓唔著！