老上海麵館

營業中

休息中

咁啱經過附近諗lunch食乜，見有間小店就幫襯下。中午時間初時得2、3個客，之後有5、6個人就開始feel到冷氣爭啲。叫咗個雙拼麵：牛腩+蔥烤豬扒，雪菜湯底，再加杯豆漿，總共$49+$6=$55。豬扒雖然已經薄切但仍feel到「鞋」，反而牛腩夠淋夠入味，叫做拯救返半碗麵，而個湯底都幾有味。豆漿就咁啱聽到隔離枱問，樓面話係有加糖，不過我感覺唔算特別甜。期間有個客拎外賣又拉住個手推車，樓面阿姐好主動去開門比佢，服務+1。整體嚟講都唔錯（撇除個豬扒），要求唔高嘅可以支持下小店，不過要注意佢哋只收現金。