樓下冰室 (已結業)

荃灣路德圍出名多嘢食，朋友帶咗我去呢間荃灣冰室見呢間餐廳咁出名瑞士汁，梗係要叫一份瑞士雞髀沙律配麵包🥯瑞士雞髀啲汁夠晒深色，而且唔會死鹹或者太甜，而且雞髀都唔會太鞋！沙律來講就係薯仔雜果沙律，薯仔同埋雜果嘅比例啱啱好，而且唔會出晒水，濕度控制得唔錯！仲有叫咗個懷舊經典鮮茄牛肉燴意粉，啲蕃茄好足料，係會食到蕃茄肉，唔係剩係得蕃茄汁咁簡單！👍👍而且啲牛肉都勁滑，牛味就適中😂😂值得一讚就係啲意粉唔算太軟淋淋仲有啲口感🤗🤗仲有另一個朋友就叫咗一個雙拼飯！揀咗忌廉粟米汁牛扒併雞翼飯，因為呢度啲瑞士雞翼出名！估唔到我個朋友咁大餸，佢可以撈下啲忌廉粟米汁，而且牛扒夠大啱晒啲食肉獸，兩三下就已經食晒啲飯😂嘢飲就叫咗菠蘿冰同埋紅豆冰！紅豆冰夠晒懷舊，而且紅豆同埋奶嘅份量啱啱好！唔會太多紅豆搞到太飽！而且菠蘿冰就唔算太甜👍👍👍