越味皇 (已結業)

有日放工去荃灣行下,行到去路德圍附近找食,見到呢間越南餐廳好多人,看過menu有好多食物選擇而且價錢又吾貴,見到入面裝修又光猛舒服,所以入去試下。睇完餐單叫咗牛油果軟殼蟹米紙卷, 雜錦拼盤,越式燒雞半隻,三寶撈檬,牛肉丸濃湯河粉,牛油果沙冰同薄荷葉青檸梳打。個牛肉丸同出面食既好吾同,食得出係新鮮手打出來。雜錦拼盤亦都好吾錯,好鍾意個炸魚餅同網狀春卷,仲有個牛油果沙冰吾太流又飽肚。估不到呢間餐廳價錢相宜食物質素又吾錯,而且員工服務又好周到, 尤其係門囗既哥哥仔,喺而家香港服務好價錢好嘅餐廳真係唔多,估唔到荃灣找有一間。