津一 (已結業)

荃灣呢頭番工，發現咗間隱世小店，位於荃灣中心地下一間小店。平時好少過嚟呢頭，但行過見到試吓，點知咁有驚喜😮😮⭐️滷水牛𦟌拼金錢肚烏冬出去食牛𦟌不嬲都貴，但呢度價錢竟然唔貴，份量仲要唔少！😮牛肚用金錢肚，覺得成個餐都好抵🤩 牛𦟌整得好腍好入味！老闆話個湯係用真材實料去煲，絕不加味精，食完果然無口渴感！😊😊⭐️担担雲吞有少少辣，我唔食得辣都可以接受到！👍🏻有肉醬、花生醬、芝麻醬等，加入湯，口感好豐富！雲吞唔厚皮，入面啖啖肉，好大粒雲吞，好飽肚😋😋⭐️可加配飲品我揀咗豆漿+$10，飲埋嘢，一大滿足！