Home Bar & Restaurant

營業中

休息中

與朋友想搵個地方靜靜地食lunch碰巧經過home bar and restaurant見到人不是太多以為是一般的西餐廳怎料很有驚喜因為lunch menu價錢已包括任食沙律吧加一柸餐飲。揀了xo醬忌廉汁海鮮焗飯和羊架配黑椒汁跟飯然後店員跟我們說出面有沙律吧有餐湯，兩款甜品和一些沙律配菜有粟米，菠蘿，蕃茄，青瓜，乳酸爆珠。而沙律醬料有千島醬，香草意大利醋，酸酸開胃帶點芝士味嘅醬， 還有芝士粉。蘑菇湯雖然唔夠creamy，但真材實料， 吃到有粒粒蘑菇又夠菇味。甜品我比較欣賞藍莓乳酪奶凍，不太甜，味道剛好。餐包配黑松露牛油，主菜還未到已經有點飽。Xo醬海鮮焗飯焗飯有魷魚，蝦， 一大塊魚扒海鮮食得出有鮮味，當撥開面頭的豆角，見到塊魚扒很有驚喜，很厚，啖啖肉唔鞋，而焗飯偏向忌廉芝士味， xo醬味道不算突出， 但整個焗飯以這個價錢來說我覺得很完美。扒羊架配黑椒汁(七成熟)羊架煎得不錯， 肉質軟腍多汁， 92蚊有三大件，非常抵食。