食味館

營業中

休息中

係荃灣工廈區內有一間CP值高嘅菜館？！如果唔係朋友帶我嚟，我一定會錯過。食味館 小菜出色又有鑊氣，海鮮每日送到，保証新鮮味甜🥰，部份海鮮如蟹🦀及瀨尿蝦🦐，最好事先預訂。店內一般茶餐廳格局，座位舒適，空間感足。例湯材料有紅蘿蔔🥕、苦瓜及豬骨，味道清甜帶甘，清熱解毒又有營養，最啱天暑日子飲😋。避風塘炒蟹蟹🦀拉過油後，特別香口又可鎖住肉汁，混埋豆豉、蔥段、炸過嘅蒜蓉🧄及辣椒粒🌶一齊大火炒，將香味辣味迫入蟹身，蟹肉鮮甜，味道香辣🌶，十分惹味😋。黃金鮮魷用上新鮮魷魚🦑，質感軟滑彈牙，蘸上薄薄嘅一層炸漿炸過後，外層香口鬆脆，帶有陣陣蛋黃及鹹香味，好食到停唔到口😍。蒜蓉炒通菜通菜份量多，新鮮脆嫩😍，加入蒜蓉🧄炒過後，每條菜都帶有蒜香味及鑊氣🥰。