森美餐廳

營業中

休息中

約咗朋友嚟荃灣食晏，喺商場亂搵之下搵到佢。估唔到美甲店、散貨店林立嘅商場入面有間隱秘餐廳。雖然環境比唔起一般西餐廳咁，但係黑板粉筆寫餐牌，家庭式經營嘅感覺都好舒服。午餐選擇唔算太多，總有菜式啱食，本身想食下午茶，但又未夠鐘。點咗兩個餐：香煎牛T骨扒配薯菜及保雲酥雞扒薯菜。餐湯忌廉湯有小魷魚、西芹碎，入口有淡淡地牛油味，小小奶味，唔會好稠身張口或者有現成湯罐"琼"埋一嚿感覺，咸咸地好入口，飲完亦都飽咗一半啊。朋友嘅牛T骨扒亦係手掌咁大小薄身，易切斷。入口都係香酥外層，腍身好入口，內裡嫩嫩，重牛味JUICY JUICY~ 伴碟菜有大半碟墊肉扒底層，減輕食肉嘅膩感。至於保雲酥雞扒配薯菜，望落啲麵包糠蓋過過雞扒面，舀咗一匙入口，啲焗到香香脆口感覺，同食炸雞FEEL一樣開心。肉質結實但易切開唔散，保留到少少雞肉汁味，沒有過老乾身口感。兩個女仔食份量剛剛好，男士食就可能想追加小食呢。呢個價錢有小小西餐感覺，未至於好麻甩餐記，整體都OK啊。