醉藥雞 (啟志樓) (已結業)

嚟荃灣路德圍覓食, 真係要介紹下呢間超抵食嘅小店, 佢主打砂鍋雞湯翅/藥膳湯粉麵, 仲有好多花雕酒釀製嘅冷盤, 價錢一啲都唔貴。上枱嘅砂鍋熱辣辣, 滾住上呀! 如果冬天食一定好暖身, 而家食可以養生。砂鍋雞湯翅米線 - $68成個砂鍋一上枱係熱辣辣仲滾的, 好濃雞湯味, 鮮甜濃郁, 仲有金華火腿絲嘅香味。平嘅價錢真係有唔少翅呀. 啲雞好滑; 除咗米線, 仲有得揀米粉、粉絲、刀削麵、白飯、銀針粉或瀨粉, 真係超多選擇。配埋好滑嘅米線一齊食, 好正呀! 砂鍋人參雞米線 - $68湯底飲落好有香濃, 陣陣人參甘味, 融入咗濃郁雞湯入面。雞肉嫩滑帶點微甘味, 吸晒人參雞嘅精華; 飲咗幾啖湯, 都感到個身暖呀! 呢個鍋揀左米線去搭配, 米線好滑, 雞嘅份量非常之足料, 肉質嫩滑。麻辣雞腎 - $36雞腎彈牙爽口, 份量都好足料, 麻辣味又夠, 辣味都夠。醉鮑魚 - $118鮑魚有六大隻, 香濃酒香滲透整個鮑魚, 浸得好入味。鮑魚有嚼勁而且爽口, 非常開胃既前菜。豆漿/烏龍茶 – 加$8/支支裝嘅津路烏龍茶, 真係良心價錢。