BnR (已結業)

荃灣真係有好多好嘢食，競爭超級大，不過有時食得多熱氣嘢都會想食返啲養生嘅。今日去到荃灣大壩街搵嘢食，就見到呢一間主打養生花膠雞湯湯麵嘅餐廳。我哋叫咗一個藥膳花膠雞湯淮山麵，個湯都好清甜，真係可以當湯咁飲麵線都唔錯，淮山麵係比較幼身的，因為係用淮山做嘅，我諗點都會健康啲同埋特別啲～另外仲叫咗一個波波雞飯，啲飯整成一個個波波咁好搞笑，啲飯有幾香，唔知用咗啲咩令到佢有一啲獨特嘅香味。啲雞件勁滑，好似海南雞咁樣，同埋佢配嘅醬汁都好好味，好推介呢個飯。嘢飲叫咗菊花蜜同埋豆漿，菊花蜜比想像中甜，但用嚟下下火係OK～